ନନ୍ଦିଘୋଷ ବ୍ୟୁରୋ: ଆଜି ଭାରତ ଓ ୱେଷ୍ଟଇଣ୍ତିଜ୍ ଫାଇଟ୍ । ରାଞ୍ଜିଠାରେ ଖେଳାଯିବ ଟ୍ବେଣ୍ଟି-୨୦ ସିରଜର ଦ୍ବିତୀୟ ମ୍ୟାଚ୍ । ଏହି ମ୍ୟାଚ୍ ଜିତିଲେ ଭାରତ ୨-୦ରେ ଆଗୁଆ ରହିବ । ଅନ୍ୟପଟେ ୱେଷ୍ଟଇଣ୍ତିଜ୍ ପ୍ରଥମ ମ୍ୟାଚ୍ ଜିତି ସିରିଜ ବରାବର କରିବା ନେଇ ଲକ୍ଷ୍ୟ ରଖିଛି ।
ଭାରତ ସିରିଜର ପ୍ରଥମ ମ୍ୟାଚ୍ ୮ ୱିକେଟ୍ ରେ ଜିତିଥିବା ବେଳେ ବିଜୟ ଧାରା ବଜାଇ ରଖିବା ନେଇ ଚେଷ୍ଟା କରିବ। ସେପଟେ ପ୍ରଥମ ମ୍ୟାଚ୍ ରେ ଶୋଚନୀୟ ଭାବେ ପରାଜୟ ବରଣ କରିଥିବା ୱେଷ୍ଟଇଣ୍ତିଜ୍ ମ୍ୟାଚ୍ ଜିତିବାକୁ ପ୍ରାଣପ୍ରଣେ ଚେଷ୍ଟା କରିବ । ସେପଟେ କିନ୍ତୁ ସଞ୍ଜୁ ସାମସନ୍ ଙ୍କ ଖରାପ ଫର୍ମ ଟିମ୍ ପାଇଁ ଚିନ୍ତା ବଢାଇଛି । ଗତ ୪ଟି ଟ୍ବେଣ୍ଟି-୨୦ରେ ସାମସନ୍ ଯଥାକ୍ରମେ ୯,୭,୨ଓ ୧୧ ରନ୍ କରିଥିଲେ । ତେବେ ତାଙ୍କ ସ୍ଥାନରେ ବୈଭବ ସୂର୍ଯ୍ୟାବଂଶୀ ଓପନର ଅଭିଷେକ ଶର୍ମାଙ୍କ ସହ ଓପନିଂ କରିପାରନ୍ତି ବୋଲି ଚର୍ଚ୍ଚା ହେଉଛି । ବୈଭବ ଭଲ ଫର୍ମରେ ଅଛନ୍ତି । ଖରାପ ଫର୍ମ ସତ୍ତ୍ବେ ଅଧିନାୟକ ଶ୍ରେୟସ ସଞ୍ଜୁଙ୍କୁ ଅଧିକ ସମର୍ଥନ କରିବା ଦରକାର ବୋଲି କହିଛନ୍ତି । ତେବେ ବ୍ୟାଟିଂ ଅର୍ଡ଼ର ସହ ଭାରତ ବୋଲିଂ ଅର୍ଡ଼ରେ ମଧ୍ୟ କିଛିଟା ପରିବର୍ତ୍ତନ କରିପାରେ ବୋଲି ଚର୍ଚ୍ଚା ହେଉଛି ।
ତେବେ ୱେଷ୍ଟଇଣ୍ତିଜ ପାଇଁ ମୁଖ୍ୟ ଚ୍ୟାଲେଞ୍ଜ ସାଜିପାରେ ବ୍ୟାଟିଂ । ଟିମ୍ ରେ ସିମ୍ରନ୍ ହେଟମାୟର, ରଷ୍ଟନ୍ ଚେଜ୍ ଓ ରୋଭାମାନ୍ ପାୱେଲଙ୍କ ଭଳି ବହୁ ଅଭିଜ୍ଞ ବ୍ୟାଟ୍ସମ୍ୟାନ୍ ରହିଥିଲେ ମଧ୍ୟ ଦଳ ଗତ ମ୍ୟାଚ୍ ରେ ୧୭୧ ରନର୍ ଅଲଆଉଟ୍ ହୋଇଥିଲା । ତେବେ ଟିମ୍ କୁ ଜିତିବା ଲାଗି ବଡ଼ ସ୍କୋର କରିବାକୁ ହେବ ।
