ନନ୍ଦିଘୋଷ ବ୍ୟୁରୋ: କଟକ ଜିଲ୍ଲା ସାଲେପୁର ଟାଙ୍ଗୀ ନିର୍ବାଚନ ମଣ୍ଡଳୀ ପକ୍ଷରୁ ବିଧାୟକ ପ୍ରଶାନ୍ତ ବେହେରାଙ୍କ ନେତୃତ୍ବରେ ବିଜେଡିର ଜନ ସମ୍ପର୍କ ପଦଯାତ୍ରା ଓ ବାଇକ ରାଲି ଅନୁଷ୍ଠିତ ହୋଇଛି । ଦୁଇଟି ପଞ୍ଚାୟତ ମାଳ ଓ ନରଦାରେ ବିଶାଳ ବାଇକ୍ ରାଲି ସହ ପଦଯାତ୍ରାରେ ସାମିଲ ହୋଇଥିଲେ ଶତାଧିକ ନେତା ଓ କର୍ମୀ । ସମଗ୍ର ପଞ୍ଚାୟତ ପରିକ୍ରମା କରି ପୂର୍ବ ସରକାରଙ୍କ ଲୋକାଭିମୁଖି କାର୍ଯ୍ୟର ସଫଳ ରୁପାୟନ ବିଷୟରେ ଲୋକଙ୍କୁ ବୁଝାଇଥିଲେ । ସମସ୍ତେ ଏକ ହୋଇ ପୁଣି ନବୀନ ସରକାରକୁ ଫେରାଇ ଆଣିବା ସହ ନୂଆ ଓଡ଼ିଶା ଗଢିବାକୁ ସଂକଳ୍ପ ନେବାକୁ ଆହ୍ବାନ ଦେଇଥିଲେ । ଏହି ଯାତ୍ରାରେ ବହୁ ଯୁବ ଛାତ୍ର ମହିଳା ସଂଖ୍ୟାଲଘୁ ମୂରବୀ ସାମିଲ ହୋଇଥିଲେ ।
