ନନ୍ଦିଘୋଷ ବ୍ୟୁରୋ: BMCର ସିଲିଂ ଓ ଉଚ୍ଛେଦ ନୋଟିସ ବିରୋଧରେ ଆଜି ପୁଣିଥରେ ମହାନଗର ନିଗମ କାର୍ଯ୍ୟାଳୟ ସମ୍ମୁଖରେ ଭୁବନେଶ୍ୱର ବାସିନ୍ଦାଙ୍କ ଧାରଣା । ଏହାସହ ଜବରଦସ୍ତ ବିଏମସି ପାଣି ଯୋଗାଣ କାଟିବା ଓ କର୍ମଚାରୀ ମାନେ ଦୁର୍ବ୍ୟବହାର କରିବା ଭଳି ଅଭିଯୋଗ ଆଣିଛନ୍ତି ଭୁବନେଶ୍ୱର ବାସିନ୍ଦା । ଗତ ଅକ୍ଟୋବର ମାସରେ ମଧ୍ୟ ଏନେଇ ଭୁବନେଶ୍ୱର ବାସିନ୍ଦା ମହାନଗର ନିଗମ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ । ତେବେ ଆଜି ପୁନର୍ବାର ଏହି ପ୍ରସଙ୍ଗରେ ଧାରଣା ଦେଇଛନ୍ତି ଭୁବନେଶ୍ୱର ବାସିନ୍ଦା । ଭୁବନେଶ୍ୱର ସହରରେ ଆବାସିକ ଗୃହରେ ହୋଇଥିବା ବ୍ୟବସାୟ ପ୍ରତିଷ୍ଠାନ ଗୁଡ଼ିକୁ ବିଏମସି ସିଲିଂ ଓ ଉଚ୍ଛେଦ ନୋଟିସ କରିବା ପରେ ତେଜିଛି ଅସନ୍ତୋଷ । ନୋଟିସ୍ ପ୍ରତ୍ୟାହାର ସହ ବନ୍ଦ କରିବା ଦାବିରେ ଭୁବନେଶ୍ୱର ମହାନଗର ନିଗମ କାର୍ଯ୍ୟାଳୟ ସମ୍ମୁଖରେ ସତ୍ୟାଗ୍ରହ କରିଛନ୍ତି ଭୁବନେଶ୍ୱର ବାସିନ୍ଦା । ଆମେ ଭୁବନେଶ୍ୱରିଆ ସଂଗଠନ ନେତୃତ୍ବରେ ଭୁବନେଶ୍ୱର ବାସିନ୍ଦା ଏକାଠି ହୋଇ ବିଏମସିର ସିଲିଂ ନୋଟିସ୍ ପ୍ରତ୍ୟାହାର ପାଇଁ ଦାବି କରିଛନ୍ତି । ସତ୍ୟାଗ୍ରହରେ ପୂର୍ବତନ ବିଧାୟକ ସୁର ରାଉତରାୟ, ପୂର୍ବତନ ମୁଖ୍ୟ ଶାସନ ସଚିବ ବିଜୟ ପଟ୍ଟନାୟକ ସାମିଲ ହୋଇଛନ୍ତି ।
