ନନ୍ଦିଘୋଷ ବ୍ୟୁରୋ: କଳିଙ୍ଗ ଷ୍ଟାଡିୟମ୍ ଆରମ୍ଭ ହୋଇଛି ଏସିଆ ରଗବି ଏମିରେଟ୍ସ ଅଣ୍ଡର-୨୦ ସେଭେନ୍ସ ଚାମ୍ପିଅନସିପ୍। କ୍ରୀଡା ମନ୍ତ୍ରୀ ସୂର୍ଯ୍ୟବଂଶୀ ସୂରଜ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିଛନ୍ତି । ଉଦ୍ଘାଟନୀ ମ୍ୟାଚ୍ ରେ ଭାରତ ଉଜବେକିସ୍ତାନକୁ ଭେଟିଥିବା ବେଳେ ୩୩-୧୪ ପଏଣ୍ଟରେ ବିଜୟୀ ହୋଇଛି ।
ଏହି ରଗବି କ୍ରୀଡ଼ା ଉତ୍ସବରେ ଭାରତ ସମେତ ୧୦ଟି ଦେଶର ୧୭ଟି ଦଳ ଏଥିରେ ଅଂଶଗ୍ରହଣ କରିଛନ୍ତି । ରଗବୀ ଇଣ୍ଡିଆ, ରାଜ୍ୟ କ୍ରୀଡ଼ା ବିଭାଗ ଓ ଓଡ଼ିଶା ରଗବୀ ଫୁଟବଲ ଆସୋସିଏସନର ମିଳିତ ଆନୁକୂଲ୍ୟରେ ନଭେମ୍ବର ୧୪ ଓ ୧୫ ତାରିଖରେ କଳିଙ୍ଗ ଷ୍ଟାଡିୟମରେ ଖେଳାଯିବ ମ୍ୟାଚ୍। ଭାରତ, ହଙ୍ଗକଙ୍ଗ ଚାଇନା, ଉଜବେକିସ୍ତାନ, ଚାଇନିଜ ତାଇପେଇ, ନେପାଳ, ଶ୍ରୀଲଙ୍କା, ମାଲେସିଆ, ଥାଇଲାଣ୍ଡ, ସିଙ୍ଗାପୁର ଓ ଜୋର୍ଡାନ ଦେଶର ଖେଳାଳି ଏହି ଚମ୍ପିୟାନସିପରେ ଅଂଶଗ୍ରହଣ କରିଛନ୍ତି । ଉଭୟ ପୁରୁଷ ଓ ମହିଳା ବର୍ଗରେ ଏହି ଚାମ୍ପିୟନସିପ୍ ଅନୁଷ୍ଠିତ ହେଉଛି ।
ପ୍ରକାଶ ଥାଉ କି, ଦୀର୍ଘ ୮ ବର୍ଷ ପରେ ଓଡିଶାକୁ ଅନ୍ତର୍ଜାତୀୟ ରଗବୀ ପ୍ରତ୍ୟାବର୍ତ୍ତନ କରିଛି। ଯାହା ଆମ ପାଇଁ ଗର୍ବର ବିଷୟ ବୋଲି କହିଛନ୍ତି କ୍ରୀଡ଼ାମନ୍ତ୍ରୀ। ଭାରତୀୟ ପୁରୁଷ ଦଳରେ ୫ ଜଣ ଓଡ଼ିଆ କ୍ରୀଡ଼ାବିତ ଭରତ କିଷାନ୍, ବିଦ୍ୟାଧର ମାଝୀ, ଚରଣ ହେମ୍ବ୍ରମ, ରାହୁଲ ମାଝୀ, ସୁବାସ ହାଁସଦା ଏବଂ ମହିଳା ଦଳରେ ୩ ଜଣ ଓଡ଼ିଆ ମାମାଲି ସିଂ, ଅନିତା ମୁର୍ମୁ ଓ ସୁମିତ୍ରା ମୁର୍ମୁ ସ୍ଥାନ ପାଇଛନ୍ତି। ଉଦଘାଟନୀ ମ୍ୟାଚ୍ ରେ ୩୩-୧୪ ପଏଣ୍ଟରେ ଭାରତ ବିଜୟୀ ହୋଇ ଅଭିଯାନ ଆରମ୍ଭ କରିଛି ।
