ନନ୍ଦିଘୋଷ ବ୍ୟୁରୋ: ୧୮ ତାରିଖରେ ବିଧାନସଭା ଶୀତ ଅଧିବେଶନ। ଏହା ପୂର୍ବରୁ ବିଜେଡି ବିଧାୟକଙ୍କୁ ଗୁରୁମନ୍ତ୍ର ଦେବେ ଦଳର ସୁପ୍ରିମୋ ନବୀନ ପଟ୍ଟନାୟକ। ଆସନ୍ତା କାଲି ଅପରାହ୍ନରେ ବସିବ ବିଜେଡି ବିଧାୟକ ଦଳ ବୈଠକ । ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଶଙ୍ଖଭବନରେ ଏହି ବସିବ ବୈଠକ। ଏଥିରେ ବିଧାନସଭା ଅଧିବେଶନ ପାଇଁ ରଣନୀତି ପ୍ରସ୍ତୁତ କରିବ ଦଳ। ବନ୍ୟା ବିଫଳତା, କୋଟିଆ ସୀମା ବିବାଦ, ଆଇନଶୃଙ୍ଖଳା, ଚାଷୀ, ଆଦିବାସୀଙ୍କ ଉପରେ ବଜରଙ୍ଗ ଦଳର ଆକ୍ରମଣ ଆଦି ପ୍ରସଙ୍ଗକୁ ନେଇ ବିଧାୟକ ଦଳ ବୈଠକରେ ଆଲୋଚନା ହେବ ବୋଲି ଜଣାପଡ଼ିଛି। ସେହିପରି ଆସନ୍ତା କାଲି ବସିବ କଂଗ୍ରେସ ବିଧାୟକ ଦଳ ବୈଠକ। ବିଧାନସଭାରେ କେଉଁ ପ୍ରସଙ୍ଗ ଉଠାଇବ ସେନେଇ ବିଧାୟକ ଦଳ ବୈଠକରେ ରଣନୀତି ପ୍ରସ୍ତୁତ କରାଯିବ। ସେହି ଦିନ ଅପରାହ୍ନରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବିଜେପି ବିଧାୟକ ଦଳ ବୈଠକ ବସିବ। ଗୃହର ସୁପରିଚାଳନା ପାଇଁ ବାଚସ୍ପତିଙ୍କ ଅଧ୍ୟକ୍ଷତାରେ ମଧ୍ୟ ଆସନ୍ତା କାଲି ବସିବ ସର୍ବଦଳୀୟ ବୈଠକ।

