spot_img

Latest Posts

କିଡନୀ ରୋଗ ଆତଙ୍କ, ଗାଁରେ ବଢ଼ୁଛି ମୃତ୍ୟୁ

ନନ୍ଦିଘୋଷ ବ୍ୟୁରୋ: ଜଳ ପାଲଟିଛି ଜହର । ଦୂଷିତ ପାଣି ପିଇ ରୋଗାକ୍ରାନ୍ତ ଲୋକେ । କିଡ଼ନୀ ରୋଗରେ ଗଲାଣି ଅନେକ ଜୀବନ । କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ବୋଡେନ ପଞ୍ଚାୟତ ରାବଣଗୁଡ଼ା ଗାଁରେ କାୟା ମେଲାଇ ଚାଲିଛି କିଡ଼ନୀ ରୋଗ । ନଳକୂପର ଦୂଷିତ ପାଣି ଯୋଗୁଁ ଗାଁରେ ରୋଗ ବ୍ୟାପୁଥିବା ଅଭିଯୋଗ ହୋଇଛି । ଏବେବି ଅନେକ ଲୋକ କିଡନୀ ରୋଗରେ ଆକ୍ରାନ୍ତ ହୋଇ ଜୀବନ ସହ ସଂଘର୍ଷ କରୁଛନ୍ତି ।

ରାବଣଗୁଡ଼ା ଗାଁରେ ୫ଟି ନଳକୂପ ରହିଛି । ହେଲେ ସେଥିରୁ ଲୌହ ଓ ଅଭ୍ର ମିଶ୍ରିତ ପାଣି ବାହାରୁଛି । ସେହି ପାଣି ପିଇ ଅନେକ କିଡ଼ନୀ ରୋଗରେ ଆକ୍ରାନ୍ତ ହେଉଛନ୍ତି । ସୁନା ଗହଣା, ଜମି ବାଡ଼ି ବିକ୍ରି କରି ଚିକିତ୍ସିତ ହେଉଛନ୍ତି । ରୋଗ ସଂପର୍କରେ ଗ୍ରାମବାସୀ ଅନେକ ଥର ଗ୍ରାମ୍ୟ ଜଳଯୋଗାଣ ବିଭାଗ ଓ ପ୍ରଶାସନକୁ ଜଣାଇଲେଣି । ହେଲେ କୌଣସି ପଦକ୍ଷେପ ନିଆଯାଉ ନଥିବାରୁ ଅନେକଙ୍କ ଜୀବନ ଦୀପ ଲିଭି ଯାଉଛି । ଏ ସଂପର୍କରେ କ୍ୟାମେରା ସାମ୍ନାରେ ମୁହଁ ଖୋଲୁନାହାନ୍ତି ବିଭାଗୀୟ ଅଧିକାରୀ । କିଡନୀ କବଳିତ ଗାଁ ଉପରେ ପ୍ରଶାସନ ନଜର ଦେଇ ଲୋକଙ୍କୁ ଚିକିତ୍ସା ଯୋଗାଇ ଦେବା ଜରୁରୀ ହୋଇପଡ଼ିଛି ।

Latest Posts

Don't Miss