spot_img

Latest Posts

ଆଦିବାସୀ ଲୋକ ମହୋତ୍ସବ ପରବ ୨୦୨୬ ଉଦଘାଟିତ

ନନ୍ଦିଘୋଷ ବ୍ୟୁରୋ:କୋରାପୁଟର ଆଦିବାସୀ ଲୋକ ମହୋତ୍ସବ ପରବ ୨୦୨୬ ଉଦଘାଟିତ । କୁନ୍ଦ୍ରା ବ୍ଳକ ବାଗଦରୀ ଗାଁ ମାଆ ବୁଢି ଠାକୁରାଣୀ ମନ୍ଦିରରୁ ବାହାରିଲା ମଶାଲ ଶୋଭାଯାତ୍ରା । ପ୍ରତି ବ୍ଲକରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ପରେ ଜିଲ୍ଲା ସ୍ତରରେ ପାଳନ କରାଯିବ ମୁଖ୍ୟ ମହୋତ୍ସବ । ଡିସେମ୍ବର ୧୮ରୁ ଜିଲ୍ଲା ସ୍ତରୀୟ ପରବ ଆରମ୍ଭ ହୋଇ ୨୨ ତାରିଖରେ ସମାପ୍ତ ହେବ । ପ୍ରଥମେ ନିଶାଣି ମୁଣ୍ଡାରେ ପୂଜାର୍ଚ୍ଚନା ପରେ ପରବ ମଶାଲ ପହଂଚିଥିଲା ବାଗଦରୀ ଠାକୁରାଣୀ ମନ୍ଦିରରେ । ଜିଲ୍ଲାର ସମସ୍ତ ବ୍ଳକ ଓ ସହରାଂଚଳ କର୍ତ୍ତୃପକ୍ଷଙ୍କ ସହ ସାଧାରଣ ଲୋକେ ଏଥିରେ ସାମିଲ୍ ହୋଇଥିଲେ । ଏହି ବିରାଟ ଶୋଭାଯାତ୍ରା ରେ ବହୁ ସାଂସ୍କୃତିକ ଦଳ ଭାଗ ନେଇଥିଲେ ।

କୋରାପୁଟ ଜିଲ୍ଲାର ଆଦିବାସୀ ପରବ ଏବେ ଜାତୀୟ ସ୍ତରରେ ପରିଚିତ ହୋଇସାରିଛି । ଏହି ପରବ ମହୋତ୍ସବକୁ ଜିଲ୍ଲାରେ ବେଶ ଧୁମ ଧାମ ପାଳନ କରାଯାଇଛି । ଏହାସହ ସ୍ଥାନୀୟ ବିଧାୟକ ଏବଂ କୋରାପୁଟ ଜିଲ୍ଲାର ଲୋକ ପ୍ରତିନିଧିଙ୍କ ସମାଗମ ହୋଇଥିଲା ଏହି ପରବ ସ୍ଥଳରେ । କୋରାପୁଟ ଜିଲ୍ଲାର ଢେମସା ନାଚ ତାଳେ ତାଳେ ଏକାକାର ହୋଇପଡିଥିଲେ ନେତା ପ୍ରଶାସକ ଓ ସାଧାରଣ ଜନତା । କୋରାପୁଟ ଜିଲ୍ଲାର ଏହି ଆଦିବାସୀ ମହୋତ୍ସବ ପରବ ଆଜି ଜାତୀୟ ସ୍ତରରେ ବେଶ ପରିଚିତ ଥିବା ବେଳେ କୋରାପୁଟିଆ କଳା ସଂସ୍କୃତିକୁ କେମିତି ଉଜ୍ଜିବିତ କରାଯାଇପାରିବ ତାହା ହିଁ ପରବର ମୂଳ ଉଦ୍ଦେଷ୍ୟ ବୋଲି କହିଛନ୍ତି ବିଧାୟକ ମାନେ । …
କୋରାପୁଟ ଜିଲ୍ଲାରେ ପରବ ମାଧ୍ୟମରେ ସାଧାରଣ ଜନତା ସହିତ ପ୍ରଶାସନ ଓ ଲୋକ ପ୍ରତିନିଧି ମାନଙ୍କ ମଧ୍ୟରେ ଏକତା ସୃଷ୍ଟି କରିବା ଲକ୍ଷ୍ୟ ରହିଛି ।

Latest Posts

Don't Miss