ଭରୋଦରା- ନିଜ ସ୍ୱାମୀଙ୍କୁ ଲୁଡୁ ଖେଳରେ ବାରମ୍ବାର ହରାଇବା ପରେ ମହିଳା ଜଣଙ୍କ ସ୍ୱାମୀଙ୍କ ଆକ୍ରୋଶର ଶୀକାର ହୋଇଛନ୍ତି । ଅନଲାଇନ ଲୁଡୁ ଖେଳରେ ନିଜ ସ୍ୱାମୀଙ୍କୁ ବାରମ୍ବାର ହରାଇବାରୁ ସ୍ୱାମୀ ନିଜ ସ୍ତ୍ରୀକୁ ନିର୍ମମ ଭାବେ ମାଡ଼ ମାରିଥିବା ଘଟଣା ସାମ୍ନାକୁ ଆସିଛି । ଏପରିକି ସ୍ୱାମୀର ମାଡ଼ରେ ସ୍ତ୍ରୀର ମେରୁଦଣ୍ଡ ଭାଙ୍ଗିଯାଇଥିବା ସୂଚନା ମିଳିଛି। ପରେ ମହିଳା ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ସବିଶେଷ ତଥ୍ୟ ଅନୁଯାୟୀ ମହିଳା ଜଣକ ଲଗାତାର ତିନିରୁ ଚାରିଥର ତାଙ୍କ ସ୍ୱାମୀଙ୍କୁ ପରାସ୍ତ କରିଥିଲେ, ଯାହା ପରେ ଉଭୟଙ୍କ ମଧ୍ୟରେ ଝଗଡା ହୋଇଥିଲା। ଏହି ଘଟଣା ପରେ ମହିଳାଙ୍କର ମେରୁଦଣ୍ଡରେ ଗଭୀର ଆଘାତ ଲାଗିଥିଲା ଏବଂ ତାଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡ଼ିଥିଲା ।
ଲକଡାଉନ ସମୟରେ ଘରୁ ବାହାରକୁ ନଯିବା ପାଇଁ ମହିଳା ଜଣକ ତାଙ୍କ ସ୍ୱାମୀଙ୍କୁ ପରାମର୍ଶ ଦେଇଥିଲେ ଏବଂ ଘରେ ରହି ଲୁଡୁ ଖେଳିବା ପାଇଁ କହିଥିଲେ । ମହିଳା ଜଣଙ୍କ ଖେଳରେ ସ୍ୱାମୀଙ୍କୁ ପ୍ରାୟ ତିନିରୁ ଚାରି ଥର ପରାସ୍ତ କରିଥିଲେ । ଏହା ପରେ ବ୍ୟକ୍ତି ଜଣକ ତାଙ୍କ ପତ୍ନୀଙ୍କ ସହ ଯୁକ୍ତିତର୍କ ଆରମ୍ଭ କରିଥିଲେ ଏବଂ ଯୁକ୍ତିତର୍କ ହିଂସାତ୍ମକ ରୂପ ନେଇଥିଲା। ତା’ପରେ ସେ ତାଙ୍କୁ ନିର୍ଦ୍ଦୟ ଭାବରେ ପିଟିଲେ ଏବଂ ମହିଳା ଜଣକ ତାଙ୍କର ଦୁଇଟି ମେରୁଦଣ୍ଡ ମଧ୍ୟରେ ଫାଟ ସୃଷ୍ଟି ହେବା ଭଳି ଅନୁଭବ କରିଥିଲେ ।
ସେପଟେ ମହିଳା ଜଣକ ଡାକ୍ତରଖାନାରୁ ଡିସଚାର୍ଜ ହୋଇ ନିଜ ପିତାମାତାଙ୍କ ଘରେ ରହିବାକୁ ନିଷ୍ପତ୍ତି ନେଇଛନ୍ତି। ସୂଚନା ଅନୁଯାୟୀ, ବ୍ୟକ୍ତି ଜଣଙ୍କୁ ଶାରୀରିକ ନିର୍ଯାତନା ଏବଂ ଘରୋଇ ହିଂସା ବିରୋଧରେ ଚେତାବନୀ ଦିଆଯାଇଛି | ମହିଳା ଜଣକ ତାଙ୍କ ପିତାମାତାଙ୍କ ସହ କିଛି ଦିନ ରହିବା ପରେ ତାଙ୍କ ନିକଟକୁ ଫେରିବାକୁ ରାଜି ହୋଇଥିବାରୁ ତାଙ୍କୁ ଗିରଫ କରାଯାଇ ନାହିଁ।
