SC ପହଞ୍ଚିଲେ ସୁଶାନ୍ତ ସିଂହଙ୍କ ପରିବାର, ରିୟା ଚକ୍ରବର୍ତ୍ତୀଙ୍କ ବିରୋରେ ସର୍ବୋଚ୍ଚ ଅଦାଲତରେ ଶୁଶାଣି ପାଇଁ ଦାବି
ନୂଆଦିଲ୍ଲୀ: ବର୍ତ୍ତମାନ ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ବିହାର ପୋଲିସ ତଦନ୍ତ ଜାରି ରଖିଛି । ଏହି ସମୟରେ ସୁଶାନ୍ତ ସିଂ ମାମଲାର ସିବିଆଇ ଯାଞ୍ଚ ପାଇଁ ଏକ ଜନସ୍ୱାର୍ଥ ମାମଲାକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି । ଏହା ପରେ ଅଭିନେତାଙ୍କ ପରିବାର ଉପର ଅଦାଲତରେ ଏକ କେଭିଏଟ ଦାଖଲ କରିଛନ୍ତି । ସୁଶାନ୍ତଙ୍କ କଥିତ ଗର୍ଲଫ୍ରେଣ୍ଡ ତଥା ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ବିରୋଧରେ ସୁପ୍ରିମକୋର୍ଟରେ ଏହି ମାମଲାର ଶୁଣାଣି କରିବାକୁ ପରିବାର ଆବେଦନ କରିଛନ୍ତି ।
ଏହାପୂର୍ବରୁ ଅଲଖ ପ୍ରିୟା ନାମକ ଜଣେ ଝିଅ ସୁଶାନ୍ତ ସିଂ ରାଜପୁତ ମାମଲାର ସିବିଆଇ ତଦନ୍ତ ପାଇଁ ଆବେଦନ କରିଥିଲେ । ଏହାକୁ ପ୍ରତ୍ୟାଖ୍ୟାନ କରି ସୁପ୍ରିମକୋର୍ଟ କହିଛନ୍ତି ଯେ ପୋଲିସକୁ ସେମାନଙ୍କ କାର୍ଯ୍ୟ କରିବାକୁ ଦିଅନ୍ତୁ। କୋର୍ଟ କହିଛି ଯେ ଏହି ମାମଲାରେ ଆବେଦନକାରୀଙ୍କ କୌଣସି ସମ୍ପର୍କ ନାହିଁ। କୋର୍ଟ ଆବେଦନକାରୀଙ୍କୁ ବମ୍ବେ ହାଇକୋର୍ଟ ଯିବାକୁ କହିଥିଲେ।
ବିହାର ପୋଲିସ ସୁଶାନ୍ତଙ୍କ ଭଉଣୀ ଏବଂ ବନ୍ଧୁଙ୍କ ବିବୃତ୍ତି ନେଇଛି
ଏଠାରେ ବିହାର ପୋଲିସ ସୁଶାନ୍ତଙ୍କ ଭଉଣୀ ମିତୁ ସିଂ ଏବଂ ତାଙ୍କ ବନ୍ଧୁ ମହେଶ କୃଷ୍ଣ ଶେଟ୍ଟୀଙ୍କ ମୁମ୍ବାଇରେ ଏକ ବିବୃତ୍ତି ନେଇଛି । ରିପୋର୍ଟ ଅନୁଯାୟୀ, ସୁଶାନ୍ତଙ୍କ ଭଉଣୀ କହିଛନ୍ତି, ‘ରିୟା ସୁଶାନ୍ତଙ୍କୁ ସମ୍ପୂର୍ଣ୍ଣ ନିୟନ୍ତ୍ରଣ କରିଥିଲେ। ଭୂତ ପ୍ରେତର କାହାଣୀ ଶୁଣାଇ ତାଙ୍କ ଘର ମଧ୍ୟ ବଦଳାଇଥିଲେ । ବିହାର ପୋଲିସ ବର୍ତ୍ତମାନ ସୁଶାନ୍ତଙ୍କ ଆକାଉଣ୍ଟ ଯାଞ୍ଚ କରିବା ପାଇଁ ବ୍ୟାଙ୍କକୁ ଯିବ । ଏଥିସହ ସୁଶାନ୍ତଙ୍କ ଚିକିତ୍ସା କରୁଥିବା ସେହି ଡାକ୍ତରମାନଙ୍କୁ ବିହାର ପୋଲିସ ପଚରାଉଚରା କରିବ ।
ସୁଶାନ୍ତଙ୍କ ପିତା ରିୟା ଚକ୍ରବର୍ତ୍ତୀଙ୍କ ବିରୋଧରେ ଏଫ୍ଆଇଆର୍ ଦାଖଲ କରିଥିଲେ
ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ବିରୋଧରେ ସୁଶାନ୍ତଙ୍କ ପିତା କେ.କେ ସିଂ ଏଫ୍ଆଇଆର୍ ଦାଖଲ କରିଛନ୍ତି, ପରେ ବିହାର ପୋଲିସ ଏହି ଘଟଣାର ତଦନ୍ତ କରୁଛି। କେ କେ ସିଂ ରିୟାଙ୍କ ଉପରେ ଅନେକ ଗୁରୁତର ଅଭିଯୋଗ କରିଛନ୍ତି। କେ କେ ସିଂ ରିୟାଙ୍କୁ ସୁଶାନ୍ତଙ୍କୁ ହଇରାଣ କରିବା ସହ ତାଙ୍କ ଟଙ୍କା ଛଡ଼ାଇ ନେଇଥିବା ଅଭିଯୋଗ କରିଛନ୍ତି। ଏଥି ସହିତ ମୁମ୍ବାଇ ପୋଲିସ ସୁଶାନ୍ତ ଆତ୍ମହତ୍ୟା ମାମଲାରେ ଏପର୍ଯ୍ୟନ୍ତ ୪୦ ରୁ ଅଧିକ ଲୋକଙ୍କ ବିବୃତ୍ତି ରେକର୍ଡ କରିଛି।
