ଅକ୍ଷୟ କୁମାରଙ୍କ ନୂଆ ଫିଲ୍ମ ‘ରାମ ସେତୁ’ର ପୋଷ୍ଟର ସିଲିଜ
ମୁମ୍ବାଇ: ବଲିଉଡ ସୁପରଷ୍ଟାର ଅକ୍ଷୟ କୁମାର ଶନିବାର ଦିନ ତାଙ୍କ ପ୍ରଶଂସକଙ୍କୁ ଦୀପାବଳି ଉପହାର ଦେଇଛନ୍ତି। ଏହି ଅବସରରେ ଅକ୍ଷୟ ତାଙ୍କର ପରବର୍ତ୍ତୀ ଚଳଚ୍ଚିତ୍ର ‘ରାମସେତୁ’ ବାବଦରେ ଘୋଷଣା କରିଛନ୍ତି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଅଭିଷେକ ଶର୍ମା ଦେବେ ।
ଅକ୍ଷୟ ଆଜି ସୋସିଆଲ ମିଡିଆରେ ଏହି ଫିଲ୍ମ ବାବଦରେ ଘୋଷଣା କରିଥିବାବେଳେ ଯେଉଁଥିରେ ପ୍ରଭୁ ରାମଙ୍କ ଚିତ୍ର ଉପରେ ଥିବାବେଳେ ଏବଂ ଅକ୍ଷୟ କୁମାରଙ୍କ ଫଟୋ ତଳେ ଅଛି। ଫଟୋରେ ଅକ୍ଷୟ ରାମସେତୁ ଉପରେ ଚାଲୁଥିବାର ନଜର ଆସିଛନ୍ତି।
ଫଟୋରେ ଲେଖାଯାଇଛି ଯେ ସତ୍ୟ ବା କଳ୍ପନା | ଏହି ଫିଲ୍ମକୁ ଅଭିଷେକ ଶର୍ମା ନିର୍ଦ୍ଦେଶନା ଦେବାକୁଥିବାବେଳେ ଅରୁଣ ଭାଟ୍ଟିଆ ଓ ବିକ୍ରମ ମାଲହୋତ୍ରା ପ୍ରଯୋଜନା କରିବେ | ତେବେ ଫିଲ୍ମର ଆଜି ଫାଷ୍ଟ ଲୁକ ରିଲିଜ ହୋଇଥିବାବେଳେ କେବେ ପରଦାକୁ ଆସିବ ସେ ବାବଦରେ କୌଣସି ସୂଚନା ଦିଆଯାଇନାହିଁ ।
इस दीपावली,भारत राष्ट्र के आदर्श और महानायक भगवान श्री राम की पुण्य स्मृतियों को युगों युगों तक भारत की चेतना में सुरक्षित रखने के लिए एक ऐसा सेतु बनाये जो आने वाले पीढ़ियों को राम से जोड़ कर रखे।इसी प्रयास में हमारा भी एक छोटा संकल्प है – राम सेतु
आप सबको दीपावली की शुभ कामनाएंl pic.twitter.com/529Svh0iB2— Akshay Kumar (@akshaykumar) November 14, 2020
ସୂଚନା ଥାଉ କି କିଛି ଦିନ ତଳେ ଡିଜ୍ନି ପ୍ଲସ୍ ହଟ୍ଷ୍ଟାର୍ରେ ରିଲିଜ୍ ହୋଇଥିବା ଅଭିନେତା ଅକ୍ଷୟ କୁମାରଙ୍କ ଅଭିନୀତ ସିନେମା ‘ଲକ୍ଷ୍ମୀ’ ବର୍ତ୍ତମାନ ରେକର୍ଡ କରୁଛି। ଭିଓରସିପ୍ ମାମଲାରେ ସୁଶାନ୍ତ ସିଂହ ରାଜପୁତଙ୍କ ଅଭିନୀତ ଦିଲ୍ ବେଚାରାର ରେକର୍ଡ କାଟିବା ପରେ ବର୍ତ୍ତମାନ କରୋନା ସମୟରେ ବିଦେଶରେ ସର୍ବାଧିକ ଆୟକାରୀ ଫିଲ୍ମ ଭାବେ ପରିଗଣିତ ହେଉଛି। ଗତ ୯ ତାରିଖରେ ଭାରତରେ ଓଟିଟି ପ୍ଲାଟ୍ଫର୍ମରେ ଫିଲ୍ମ ରିଲିଜ୍ ହେବା ସହ ଅଷ୍ଟ୍ରେଲିଆ, ଫିଜି ଓ ନ୍ୟୁଜିଲାଣ୍ଡର ସିନେମା ହଲ୍ରେ ପ୍ରଦର୍ଶିତ ହୋଇଥିଲା। ତେବେ ଏହି ୪ଦିନରେ ଲକ୍ଷ୍ମୀ ଅଷ୍ଟ୍ରେଲିଆରେ ୪୧ଲକ୍ଷ ୯ ହଜାର ଟଙ୍କା ଆୟ କରିଥିବା ବେଳେ ନ୍ୟୁଜିଲାଣ୍ଡରେ ୨୮ଲକ୍ଷ ୩୮ହଜାର ଓ ଫିଜିରେ ୧୦ଲକ୍ଷ ୩୪ହଜାର ଟଙ୍କା ଆୟ କରିଛି। କରୋନା ସମୟରେ ବିଦେଶରେ ଏହା ସର୍ବାଧିକ ଆୟକାରୀ ଫିଲ୍ମର ମାନ୍ୟତା ପାଇଛି।
