ଭୁବନେଶ୍ୱର ଏମ୍ସରେ ରୋବୋଟିକ ଟେକ୍ନୋଲୋଜି, କମ୍ ସମୟରେ ଉପଶମ ପାଇବେ ରୋଗୀ
ଚିକିତ୍ସା ବିଜ୍ଞାନରେ ଅତ୍ୟାଧୂନିକ ସେବା ଭାବେ ଉଭା ହୋଇଛି ରୋବୋଟିକ ଟେକ୍ନୋଲୋଜି । ଚିକିତ୍ସକଙ୍କୁ ସହଯୋଗ କରିବା ପାଇଁ ଏଣିକି ସେବା ଯୋଗାଉଛି ରୋବଟ । ଭୁବନେଶ୍ବର ଏମ୍ସର ଫିଜିକାଲ ମେଡିସିନ ଏଣ୍ଡ ରିହାବିଲିଟେସନ ବିଭାଗରେ ଆରମ୍ଭ ହୋଇଛି ଆଡଭାନ୍ସ ରୋବୋଟିକ ସିଷ୍ଟମ । ସ୍ପାଇନଲ କର୍ଡ ଇଞ୍ଜରୀ , ବ୍ରେନ ଇଞ୍ଜରୀ , ଏକାଧିକ ସ୍କେରୋସିସ , ପାରାପ୍ଲେଜିଆ ଭଳି ସମସ୍ୟା ହୋଇଥିଲେ ଏହାର ଚିକିତ୍ସା କରିବ ରୋବଟ ।
ସ୍ବିଜରଲ୍ୟାଣ୍ଡରେ ନିର୍ମିତ ଏହି ଅତ୍ୟାଧୂନିକ ରୋବଟ ଚିକିତ୍ସା ପଦ୍ଧତ୍ତିରେ ବହୁ ସଫଳତା ପାଇଥିବାରୁ ବର୍ତ୍ତମାନ ସମୟରେ ଏହା ବହୁ ଉପଯୋଗୀ ହୋଇପାରିଛି । ପ୍ରତିଦିନ ୮ରୁ ୧୦ ଜଣ ରୋଗୀଙ୍କୁ ଥେରାପି ଦେଇପାରୁଛି ଏହି ରୋବର୍ଟ । ଆଗକୁ ସର୍ଜରୀ ପାଇଁ ରୋବଟ ବ୍ୟବହାର କରିବାକୁ ଯୋଜନା କରିଛି ଭୁବନେଶ୍ବର ଏମ୍ସ ।
ଏମ୍ସକୁ ଆସିଥିବା ଏହି ଆଡଭାନ୍ସ ରୋବର୍ଟିକ ରିହାବିଲିଟେସନ ସିଷ୍ଟମର ମୂଲ୍ୟ ପ୍ରାୟ ୩ କୋଟି ଟଙ୍କା । ଯାହାକୁ ପିଏମଆର ଡିପାର୍ଟମେଣ୍ଟରେ ରଖାଯାଇଛି । ସ୍ପାଇନାଲ ଇଞ୍ଜରୀ,ପାରାଲିସିସ,ହେମିପ୍ଲେଜିଆ, କ୍ୱାଡିପ୍ଲେଜାସିଆ ଭଳି ରୋଗୀଙ୍କ ପାଇଁ ଏହା ହେବ ଖୁବ ଉପଯୋଗୀ । ମାନୁଆଲ ଥେରାପିରେ ଦୀର୍ଘ ଦିନ ସମୟ ଲାଗୁଥିବା ବେଳେ ଏହି ରୋବର୍ଟିକ ଥେରାପିର ଅବଧି ରହିବ ପ୍ରାୟ ଏକ ମାସ । ଏହାଦ୍ୱାରା ମାଂସପେଶୀରେ ଥିବା ଦୁବର୍ଳତାରେ ସୁଧାର ଆସିବ ।
ସାଧାରଣ ଥେରାପି ଆଉ ରୋବର୍ଟିକ ଥେରାପିକ ମଧ୍ୟରେ କ’ଣ ରହିଛି ତଫାତ?
ଯଦିଓ ପୂର୍ବରୁ ମାନୁଆଲ ମ୍ୟାନେଜମେଣ୍ଟ ହେଉଥିଲା, ଏବେ କିନ୍ତୁ ଏହା ଯନ୍ତ୍ରଦ୍ୱାରା ପରିଚାଳିତ ହେବ । ଗବେଷଣା ଅନୁସାରେ ପୂର୍ବ ପଦ୍ଧତି ଅପେକ୍ଷା ଏହି ରୋବର୍ଟିକ ପଦ୍ଧତି ଅଧିକ ଉପଶମ ପ୍ରଦାନ କରିବ । ତେବେ ଦିନକୁ ୮ ଜଣ ରୋଗୀ ଏହି ସୁବିଧା ନେଇପାରିବେ । ବିଭିନ୍ନ ସ୍ଥାନରେ ରୋବର୍ଟିକ ପଦ୍ଧତି ସୁବିଧା ଉପଲବ୍ଧ ହେଉଥିବା ବେଳେ ଏମ୍ସରେ ଏହି ରୋବର୍ଟ ସଂଖ୍ୟାକୁ ବଢାଇବାକୁ ଚିନ୍ତା କରୁଛନ୍ତି କର୍ତ୍ତୃପକ୍ଷ ।
ତେବେ ଏହି ରୋବର୍ଟିକ ଚିକିତ୍ସା ପାଇଁ ଆଗାମୀ ଦିନରେ ପ୍ରଶିକ୍ଷଣର ବ୍ୟବସ୍ଥା କରାଯିବ । ଯେଉଁଠାରେ ଛଅ ମାସ ଧରି ଡାକ୍ତରଙ୍କୁ ପ୍ରଶିକ୍ଷଣ ଦେବେ ଇଞ୍ଜିନିୟର । ଏହାଦ୍ୱାରା ମ୍ୟାନପାଓ୍ୱାର କମିବ ଏବଂ ରୋଗୀ ଖୁବ କମ ଦିନରେ ରୋଗରୁ ଉପଶମ ପାଇପାରିବେ । ଯାହା ଦିନେ ମାନବ କରୁଥିଲା ତାହା ଆଜି ରୋବର୍ଟ କରୁଛି । ତେବେ କେଉଁଭଳି ଏହି ରୋବର୍ଟ ପରିଚାଳିତ ହେଉଛି ନଜର ପକାନ୍ତୁ ।
କେବଳ ରୋବର୍ଟ ଥରାପି ନୁହେଁ ବରଂ ରୋବର୍ଟ ସର୍ଜରୀ ପାଇଁ ମଧ୍ୟ ଆଶା ବାନ୍ଧିଲେଣି କର୍ତ୍ତୃପକ୍ଷ । ଏହି ଉନ୍ନତମାନର ପଦ୍ଧତି ଦ୍ୱାରା ହସ୍ପିଟାଲରେ ସୁରୁଖୁରୁରେ ସର୍ଜରୀ ହୋଇପାରିବ । ଚିକିତ୍ସା ପଦ୍ଧତ୍ତିର ଏହି ନୂଆ କୌଶଳ ଅନେକଙ୍କୁ ବଞ୍ଚିବାର ରାହା ଦେଖାଇବ ବୋଲି ଆଶା ରଖିଛନ୍ତି ବିଶେଷଜ୍ଞ ।
