ଗଞ୍ଜାମ ହୁମ୍ମାରେ ଜଘନ୍ୟ ହତ୍ୟାକାଣ୍ଡ, ରାସ୍ତାରେ ପଡିଛି ମୃତ ଦେହ

ଗଞ୍ଜାମ: ପୁଣି ପଡିଲା ରକ୍ତ ଛିଟା । ଗଞ୍ଜାମର ହୁମ୍ମା ଗାଁରେ ଘଟିଛି ଜଘନ୍ୟ ହତ୍ୟାକାଣ୍ଡ । ରମ୍ବା ବଡ଼ସାହି ବାସିନ୍ଦା ଦଣ୍ଡପାଣି ବିଶ୍ବାଳଙ୍କୁ ହତ୍ୟା କରାଯାଇଥିବା ନେଇ ଅଭିଯୋଗ। କେଉଟ ସାହି ରାସ୍ତା ଉପରେ ମୃତଦେହ ପଡିରହିଥିବା ସୂଚନା ମିଳିଛି ।

ସେପଟେ ଘଟଣାସ୍ଥଳରୁ ଇଟା, କଠଫିଳିଆ, ବେଲ୍ଟ ବ୍ୟବହାର ହୋଇଥିବା ବେଳେ ହତ୍ୟାରେ ବ୍ୟବହୃତ ସମସ୍ତ ସାମଗ୍ରୀକୁ ଜବତ କରିଛି ପୋଲିସ । ଏହା ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ଅମୁମାନ କରିଛି ପୋଲିସ । ମୃତକଙ୍କ ମୁଣ୍ଡରେ ଗଭୀର ଆଘାତ ଲାଗିଛି। ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ କରିବା ସହ ହତ୍ୟା ଘଟଣାରେ ଜଣଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ ।