ବକ୍ରେଶ୍ବର ମନ୍ଦିରରେ ପ୍ରସାଦ ବଣ୍ଟନ ବେଳେ ଗଣ୍ଡଗୋଳ, ଜଣେ ମୃତ

ବାଲେଶ୍ବର: ପ୍ରସାଦ ବଣ୍ଟନ ବେଳେ ବାଲେଶ୍ବର ବକ୍ରେଶ୍ବର ପୀଠରେ ଅଘଟଣ । ଗଣ୍ଡଗୋଳରୁ ଚଲା ଜଣଙ୍କ ଜୀବନ । ଗଣ୍ଡଗୋଳରେ ୫ ଜଣ ଆହତ ।

ବକ୍ରେଶ୍ବର ପୀଠରେ ଯଜ୍ଞ ପରେ ପ୍ରସାଦ ବଣ୍ଟନରେ ଧାଡ଼ିରେ ଛିଡ଼ା ହୋଇଥିବା ଶ୍ରଦ୍ଧାଳୁଙ୍କ ମଧ୍ୟରୁ କିଛି ବ୍ୟକ୍ତିଙ୍କ ଯୁକ୍ତିତର୍କ ଓ ଠେଲାପେଲା ହୋଇଥିଲା । ଯାହା ପରେ ଉଗ୍ର ରୂପ ନେଇଥିଲା । ଏହି ଠେଲାପେଲାରେ ସିମୁଳିଆ ବାଉରିପଦା ଗାଁର ସାବିତ୍ରୀ ଜେନାଙ୍କ ମୃତ୍ୟୁ ଘଟିଛି । ଗଣ୍ଡଗୋଳରେ ଭୟଭୀତ ହୋଇ ହୃଦଘାତରେ ସାବିତ୍ରୀଙ୍କ ମୃତ୍ୟୁ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି । ଗଣ୍ଡଗୋଳରେ ୫ ଜଣ ଆହତ ହୋଇଛନ୍ତି l ସମସ୍ତ ଆହତଙ୍କୁ ସିମୁଳିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଘଟଣାରେ ଜଣକୁ ଅଟକ ରଖି ତଦନ୍ତ ଚଳାଇଛି ପୋଲିସ ।