ରାୟଗଡ଼ା : ରାୟଗଡ଼ା ରେଳ ଷ୍ଟେସନରୁ ଯୁବତୀ ନିଖୋଜ । ଧନବାଦ ଆଲେପୀ ଏକ୍ସପ୍ରେସ ଟ୍ରେନରେ ଯାତ୍ରା କରୁଥିବାବେଳେ ନିଖୋଜ ହୋଇଛନ୍ତି । ଏନେଇ ରାୟଗଡ଼ା ଜିଆରପିଏସରେ ଯୁବତୀଙ୍କ ପରିବାର ପକ୍ଷରୁ ଏତଲା ଦିଆଯାଇଛି । ନିଖୋଜ ଯୁବତୀ ଜଣକ ହେଲେ ବଲାଙ୍ଗୀର ତୁରେଇକେଲା ଥାନା ମାନ୍ଦଳା ଗାଁର ସତ୍ୟଭାମା ସାହୁଙ୍କ ୨୦ବର୍ଷିୟ ଝିଅ କସ୍ତୁରୀ ସାହୁ । ଏ ନେଇ କସ୍ତୁରୀଙ୍କ ବଡ ଭାଇ ଉପେନ୍ଦ୍ର ସାହୁ ଅଭିଯୋଗ କରିଛନ୍ତି।
କସ୍ତୁରୀ ତାଙ୍କ ପରିବାର ସହିତ ଆନ୍ଧ୍ରପ୍ରଦେଶର ଗୁଣ୍ଟୁରୁ ରେଲୱେ ଷ୍ଟେସନରୁ ଗତ ଜାନୁଆରୀ ୧୧ରେ ଧନବାଦ ଆଲପି ଟ୍ରେନ ଯୋଗେ ଟିଟିଲାଗଡ ଅଭିମୁଖେ ଯାଉଥିଲେ। ରାୟଗଡ଼ା ଷ୍ଟେସନରେ ଟ୍ରେନ ରହିବା ପରେ କସ୍ତୁରୀଙ୍କୁ ପାଇନଥିଲେ ପରିବାର। ତେବେ ଦୀର୍ଘ ୨୯ ଦିନର ଖୋଜା ଖୋଜି ପରେ ନିଖୋଜ ନେଇ ଅଭିଯୋଗ କରିଛନ୍ତି। ଅଭିଯୋଗ ପରେ ଜିଆରପି ଖୋଳତାଡ ଆରମ୍ଭ କରିଛି।
