ନୂଆଦିଲ୍ଲୀ : ଦିଲ୍ଲୀ ନିର୍ବାଚନ ଲାଗି ଆପର ଘୋଷଣାପତ୍ର ଜାରି। ଘୋଷଣାପତ୍ର ଜାରି କଲେ ଦିଲ୍ଲୀ ପୂର୍ବତନ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜରିୱାଲ। ଏଥିରେ ଦିଲ୍ଲୀବାସୀଙ୍କ ଲାଗି ଆପ ୧୫ ଗ୍ୟାରେଣ୍ଟି ନିଶ୍ଚିତ କରିଛି । ସେଥିମଧ୍ୟରେ ରହିଛି ଦିଲ୍ଲୀବାସୀଙ୍କ ଲାଗି ରୋଜଗାରର ଗ୍ୟାରେଣ୍ଟି । ମହିଳାଙ୍କୁ ପ୍ରତିମାସରେ ୨୧ଶହ ଟଙ୍କା ପେନସନ । ବରିଷ୍ଠ ନାଗରିକଙ୍କ ପାଇଁ ସଂଜୀବନୀ ଯୋଜନା । ଏଥିରେ ବରିଷ୍ଠ ନାଗରିଗଙ୍କୁ ମିଳିବ ମାଗଣା ସ୍ଵାସ୍ଥ୍ୟସେବା । ଛାତ୍ରଛାତ୍ରୀଙ୍କ ଲାଗି ଆମ୍ବେଦକର ସ୍କଲାରସିପ ଯୋଜନା । ଛାତ୍ରଛାତ୍ରୀଙ୍କ ଲାଗି ମାଗଣ ବସ ଯାତ୍ରା ସେବା। ଏହାସହ ମେଟ୍ରୋ ସେବାରେ ଛାତ୍ରଙ୍କ ଲାଗି ଯାତ୍ରାରେ ୫୦ ପ୍ରତିଶତ ରିହାତି ରହିଛି । ଦିଲ୍ଲୀର ସମସ୍ତ ସଡ଼଼କୁ ପକ୍କା ସଡକ ଭାବେ ନିର୍ମାଣ ଲକ୍ଷ୍ୟ ରହିଛି। ମନ୍ଦିରରେ ପୂଜକଙ୍କୁ ପ୍ରତିମାସ ୧୮ ହଜାର ଟଙ୍କା ପାଉଣା ଦେବାକୁ ଘୋଷଣା କରିଛି ଆମ ଆଦମୀ ପାର୍ଟି ।
ଏହାସହ ଦିଲ୍ଲୀର ସମସ୍ତ ଅଂଚଳରେ ଅତ୍ୟାଧୁନିକ ସ୍ବରେଜ ବ୍ୟବସ୍ଥା କରାଯିବ।ଦିଲ୍ଲୀ ଘୋଷଣାପତ୍ର ଜାରି ଅବସରରେ ବରିଷ୍ଠ ନେତା ମନୀଷ ସିସୋଦିଆ, ଆତିଶୀ, ସଂଜଯ ସିଂହ, ରାଘବ ଚଢା, ସୌରଭ ଭରଦ୍ବାଜ ସମେତ ଅନ୍ୟ ପ୍ରମୁଖ ନେତା ଉପସ୍ଥିତ ଥିଲେ।
