ଟ୍ୟୁସନ୍ ଗଲାବେଳେ ଛାତ୍ରୀଙ୍କ ଉପରେ ଚଢ଼ିଗଲା ଡମ୍ଫର, ଛାତ୍ରୀ ମୃତ

ବାଲେଶ୍ୱର: ସାଇକେଲରେ ଟ୍ୟୁସନ୍ ଗଲାବେଳେ ଛାତ୍ରୀଙ୍କ ଉପରେ ଚଢ଼ିଗଲା ଡମ୍ଫର । ଛାତ୍ରୀ ମୃତ, ୨ ଗୁରୁତର । ପ୍ରତିବାଦରେ ଘଟଣାସ୍ଥଳରେ ଚାପା ଉତ୍ତେଜନା । ଟାୟାର ଜାଳି ରାସ୍ତା ଅବରୋଧ କଲେ ଉତ୍ୟକ୍ତ ଲୋକ । ୨ ପ୍ଲାଟୁନ୍ ପୋଲିସ ଫୋର୍ସ ମୁତୟନ । ବାଲେଶ୍ବର ଜିଲ୍ଲା ଭୋଗରାଇ ନହରା ଗାଁର ସୁଶାନ୍ତ ସେଠୀଙ୍କ ଝିଅ ଅନିତା ସେଠୀ ଏବଂ ତାଙ୍କ ସାଙ୍ଗମାନେ ସାଇକେଲରେ ଟ୍ୟୁସନ୍ ଯାଉଥିଲେ । ହଠାତ୍ ଚନ୍ଦନେଶ୍ଵର ଆଡ଼ୁ ଦ୍ରୁତ ଗତିରେ ଆସୁଥିବା ଡମ୍ଫର ନହରା ଛକ ନିକଟରେ ଛାତ୍ରୀଙ୍କୁ ଧକ୍କା ଦେଇଥିଲା । ଘଟଣାସ୍ଥଳରେ ଅନିତାଙ୍କ ମୃତ୍ଯ ହୋଇଥିବା ବେଳେ ଅନ୍ଯ ଦୁଇ ଜଣ ସାଙ୍ଗ ସାମାନ୍ଯ ଆହତ ହୋଇଛନ୍ତି । ଉଭୟ ପାର୍ଶ୍ବରେ ଅଟକିଛି ଶହଶହ ଗାଡ଼ି ।