ସୋସିଆଲ ମିଡିଆରେ ଦୁର୍ବ୍ୟବହାର କରି ଗିରଫ ହେଲେ ପାୟଲSo
ମୁମ୍ବାଇ: ଅଭିନେତ୍ରୀ ପାୟଲ ରୋହତଗୀଙ୍କୁ ଅହମ୍ମଦାବାଦ ପୋଲିସ ଗିରଫ କରିଛି । ତାଙ୍କ ଉପରେ ସୋସାଇଟିର ଚେୟାରମ୍ୟାନଙ୍କୁ ସୋସିଆଲ ମିଡିଆରେ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି । ଯଦିଓ ପାୟଲ ପରେ ପୋଷ୍ଟକୁ ଡିଲିଟ କରିଦେଇଥିଲେ । ଏହାସହ ପାୟଲ ସୋସାଇଟିର ଲୋକଙ୍କ ସହ ଝଗଡ଼ା କରିବା ସହ ସୋସାଇଟିର ଚେୟାରମ୍ୟାନଙ୍କୁ ହତ୍ୟା କରିବାକୁ ଧମକ ଦେଇଥିବା ଅଭିଯୋଗ ହୋଇଛି ।
ପାୟଲ ରୋହତଗୀଙ୍କୁ ଅହମ୍ମଦାବାଦର ପୋଲିସ ଗିରଫ କରିଛି । ଜୁନ୍ ୨୦ରେ ହୋଇଥିବା ସୋସାଇଟି ମିଟିଂରେ ପାୟଲ ସଭ୍ୟ ନଥାଇ ବି ସାମିଲ ହୋଇଥିଲେ । ଯେତେବେଳେ ତାଙ୍କୁ ମିଟିଂରେ କହିବାକୁ ମନା କରାଯାଇଥିଲା, ସେତେବେଳେ ସେ ଦୁର୍ବ୍ୟବହାର ଆରମ୍ଭ କରିଥିଲେ। ଏହାସହ ସେ ସୋସାଇଟିରେ ପିଲାମାନଙ୍କ ଖେଳକୁ ନେଇ ଅନେକ ଥର ଝଗଡା ମଧ୍ୟ କରିଛନ୍ତି।
ପୂର୍ବରୁ ଗିରଫ ହୋଇସାଛନ୍ତି ପାୟଲ
ଏହାପୂର୍ବ ଆଉ ଥରେ ମଧ୍ୟ ପାୟଲଙ୍କୁ ଗିରଫ କରାଯାଇଛି । ପାୟଲ ରୋହତଗୀଙ୍କୁ ରାଜସ୍ଥାନର ବୁଣ୍ଡି ପୋଲିସ ଗିରଫ କରିଥିଲା । ଏବଂ ସେହି ସମୟରେ ପାୟଲଙ୍କୁ ଅହମ୍ମଦାବାଦରୁ ଗିରଫ କରାଯାଇଥିଲା । ଏହା ପରେ ପାୟଲ ରାଜସ୍ଥାନ କୋର୍ଟରୁ ଜାମିନ ପାଇଥିଲେ।
ଏହା ଥିଲା କି ?
୨୧ ସେପ୍ଟେମ୍ବର ୨୦୧୯ରେ ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରିଥିଲେ । ଏହି ଭିଡିଓରେ ପୂର୍ବତନ ସ୍ୱାଧୀନତା ସଂଗ୍ରାମୀ ମୋତିଲାଲ ନେହେରୁ ଏବଂ ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ ନେହେରୁ ଏବଂ ଇନ୍ଦିରା ଗାନ୍ଧୀଙ୍କ ବିଷୟରେ ଆପତ୍ତିଜନକ ମନ୍ତବ୍ୟ ଦିଆଯାଇଛି। ସାମାଜିକ କର୍ମୀ ତଥା ଯୁବ କଂଗ୍ରେସ ନେତା ଚର୍ମେଶ ଶର୍ମା ପାୟଲ ରୋହତଗିଙ୍କ ବିରୋଧରେ ଅଭିଯୋଗ କରିଥିଲେ।
