ନୂଆଦିଲ୍ଲୀ: ଭାରତର ପୂର୍ବତନ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁଙ୍କ ବିଷୟରେ ବିବାଦୀୟ ବୟାନ ଦେଇ ଗିରଫ ହୋଇଛନ୍ତି ଅଭିନେତ୍ରୀ । ଏନେଇ ତାଙ୍କୁ ରାଜସ୍ଥାନ ପୁଲିସ ଗିରଫ କରିଥିଲା । ଡିସେମ୍ବର ୨୪ ତାରିଖ ପର୍ଯ୍ୟନ୍ତ ପାୟଲଙ୍କୁ ନ୍ୟାୟିକ ହେପାଜତରେ ରଖାଯାଇଛି। ଆଞ୍ଚଳିକ ଅଦାଲତ ତାଙ୍କ ଜାମିନ୍ ଆବେଦନକୁ ଖାରଜ କରିବା ପରେ ତାଙ୍କୁ ବୁନ୍ଦି ସେଣ୍ଟ୍ରାଲ୍ ଜେଲ୍ରେ ରଖାଯାଇଛି।
ଉଲ୍ଲେଖଯୋଗ୍ୟ, ପାୟଲ ରୋହତଗୀ ସୋସିଆଲ୍ ମିଡିଆରେ ନେହେରୁ ପରିବାରକୁ ଅପମାନିତ କରିବାର ଏକ ଭିଡିଓ ପୋଷ୍ଟ୍ କରିଥିଲେ। ତାଙ୍କର ଏହି ଭିଡିଓ ତାଙ୍କୁ ବିବାଦକୁ ଟାଣି ଆଣିଥିଲା । ରବିବାର ରାତିରେ ରଜସ୍ଥାନ ପୁଲିସ୍ ପାୟଲଙ୍କୁ ଗିରଫ କରିଥିଲା ଏବଂ ଏ ସମସ୍ତ ଘଟଣାକ୍ରମ ସେ ଟ୍ୱିଟ୍ କରି ଜଣାଇଥିଲେ । ସେ ଲେଖିଥିଲେ, ‘ମୋତେ ଆଜି ରାଜସ୍ଥାନ ପୁଲିସ ଗିରଫ କରିଛି। ସେପ୍ଟେମ୍ବର ୨୧ରେ ମୁଁ ମୋତିଲାଲ ନେହେରୁ ଓ ଜବାହରଲାଲ ନେହେରୁଙ୍କୁ ନେଇ ଗୁଗଲରେ ଥିବା ସୂଚନା ଆଧାରରେ ଯେଉଁ ଭିଡିଓ ପୋଷ୍ଟ କରିଥିଲି, ସେ ନେଇ ମୋତେ ପୁଲିସ ଗିରଫ କରିଛି।
