ତେହରାନ ପରମାଣୁ କାର୍ଯ୍ୟକ୍ରମକୁ ନେଇ ଇରାନ ଓ ଆମେରିକା ମଧ୍ୟରେ ଉତ୍ତେଜନା ମୂଳକ ପରିସ୍ଥିତି ସୃଷ୍ଟି ହୋଇଛି । ତେଣୁ ଏଭଳି ଯୁଦ୍ଧ ସ୍ଥିତିକୁ ଦୃଷ୍ଟିରେ ରଖି ଭାରତୀୟ ଦୂତାବାସ ତରଫରୁ ଭାରତୀୟ ନାଗରିକଙ୍କୁ ଇରାନ ଛାଡ଼ିବାକୁ ପରାମର୍ଶ ଦିଆଯାଇଛି । ଏଥିସହିତ ନାଗରିଙ୍କୁ ନିଜର ଯାତ୍ରା ଓ ପରିଚୟପତ୍ର ପ୍ରସ୍ତୁତ ରଖିବା ସହ ଦୂତାବାସ ସହ ସଂପର୍କ କରିବାକୁ କୁହାଯାଇଛି । ଯେଉଁ ଭାରତୀୟମାନେ ପଞ୍ଜିକରଣ କରାଇ ନାହାନ୍ତି, ସେମାନେ ଦୂତାବାସର ଅଫିସିଆଲ ଲିଙ୍କ ସହ ପଞ୍ଜିକରଣ କରିବାକୁ ପରାମର୍ଶ ଦିଆଯାଇଛି ।
ଇରାନରେ ଥିବା ଭାରତୀୟ ନାଗରିକ (ଛାତ୍ରଛାତ୍ରୀ, ତୀର୍ଥଯାତ୍ରୀ, ବ୍ୟବସାୟୀ, ପର୍ଯ୍ୟଟକ)ଙ୍କୁ ଅପିଲ କରାଯାଇଛି, ବଦଳୁଥିବା ପରିସ୍ଥିତିକୁ ଦୃଷ୍ଟିରେ ରଖି ନିଜର ସାମଗ୍ରୀ ଧରି ଇରାନ ଛାଡ଼ିବାକୁ କୁହାଯାଇଛି । ଏହି ଆଡଭାଇଜରୀରେ ଇରାନରେ ଥିବା ଭାରତୀୟ ନାଗରିକଙ୍କୁ ବିରୋଧ ପ୍ରଦର୍ଶନରୁ ଦୂରେଇ ରହିବା, ଦୂତାବାସ ସହ ସମ୍ପର୍କରେ ରହିବା, ନିଜର ଯାତ୍ରା ଓ ପରିଚୟପତ୍ର ପ୍ରସ୍ତୁତ ରଖିବାକୁ କୁହାଯାଇଛି । ଏଥିସହିତ ଜରୁରୀକାଳୀନ ହେଲପଲାଇନ ନମ୍ବର ଓ ଦୂତାବାସ ସହ ସଂପର୍କ ପାଇଁ ମଧ୍ୟ ବିବରଣୀ ପ୍ରଦାନ କରାଯାଇଛି । ଯେଉଁ ଭାରତୀୟମାନେ ପଞ୍ଜିକରଣ କରିନାହାନ୍ତି, ସେମାନେ ଅଫିସିଆଲ ଲିଙ୍କ ଜରିଆରେ ପଞ୍ଜିକରଣ କରାଇ ନେବାକୁ ଅନୁରୋଧ କରାଯାଇଛି ।
