ଭାବି ସମୁଦୀ-ଜ୍ୱାଇଁଙ୍କ ସହ ଜେଲ୍ରେ ଭେଟ, ଭାବ ବିହ୍ୱଳ ହେଲେ ପ୍ରଦୀପ
1 min read
ଭୁବନେଶ୍ୱର: ଜେଲ୍ରେ କଟୁଛି ଗୋପାଳପୁର ବିଧାୟକ ପ୍ରଦୀପ ପାଣିଗ୍ରହୀଙ୍କ ଦିନ । କେବଳ ପ୍ରଦୀପ ନୁହେଁ ଅୟସ ଆରମ୍ରେ ଓ ଅତି ବିଳାସପୂର୍ଣ୍ଣ ଜୀବନ ବିତାଉଥିବ ପାଠକ୍ ପୁଅ ବି ଜେଲ୍ରେ କାଟିଛି ଦିନ । ଉଭୟ ବାପା-ପୁଅ ଓ ପ୍ରଦୀପଙ୍କ ମଧ୍ୟ ଜେଲ୍ ଭିତରେ ଭେଟା ଭେଟି ହୋଇଥିବା ସୂଚନା ମିଳିଛି । ପରସ୍ପରକୁ ଦେଖି ସେମାନେ ଭାବ ବିହ୍ୱଳ ହୋଇପଡ଼ିଥିବା କୁହାଯାଉଛି ।
ଆକାଶ ସଂଗରୋଧ କେନ୍ଦ୍ର-୯, ଅଭୟକାନ୍ତ ୱାର୍ଡ ନମ୍ବର- ୧୧ ଓ ପ୍ରଦୀପ ପାଣିଗ୍ରାହୀ ୧୪ ନମ୍ବର ୱାର୍ଡରେ ରହିଛନ୍ତି । ରାତିରେ ଶୋଇବା ପାଇଁ ଦୁଇଟି କମ୍ବଳ, ଖାଇବା ପାଇଁ ଗୋଟିଏ ପ୍ଳେଟ୍ ଓ ୨ଟି ଗିନା ତାଙ୍କୁ ଦିଆଯାଇଛି । ଜେଲ୍ ମେନ୍ୟୁ ଅନୁସାରେ ସମସ୍ତଙ୍କୁ ଖାଦ୍ୟରେ ମିଳିଛି ଭାତ, ରୁଟି, ଡାଲି, ତରକାରୀ ଓ ସନ୍ତୁଳା ।
ତେବେ ମିଳିଥିବା ସୂଚନା ଅନୁଯାୟୀ ଶୁକ୍ରବାର ଭଳି ଶନିବାର ମଧ୍ୟ ପ୍ରଦୀପ ବାହାରୁ ଖାଦ୍ୟ ମଗେଇବା ପାଇଁ ଉଦ୍ୟମ କରିଥିବା ସୂଚନା ମିଳିଛି । ଅନ୍ୟପଟେ ରବିବାର କୋର୍ଟ ଛୁଟି ଥିବା ଯୋଗୁଁ ଜାମିନ ଆବେଦନର ଶୁଣାଣି ହୋଇପାରି ନାହିଁ । ତେଣୁ ସୋମବାର ପ୍ରଦୀପଙ୍କ ଜାମିନ ଆବେଦନର ଶୁଣାଣି ହେବ । ଖୋର୍ଦ୍ଧା ଜିଲ୍ଲା ଓ ଦୌରାଜଜ୍ କୋର୍ଟ ଏନେଇ ଶୁଣାଣି କରିବେ । ପୂବର୍ରୁ ଥରେ ଏସ୍ଡିଜେଏମ୍ କୋର୍ଟରେ ପ୍ରଦୀପ ଜାମିନ ପାଇଁ ଆବେଦନ କରି ନିରାଶ ହୋଇସାରିଛନ୍ତି ।
