ଭୁବନେଶ୍ବରରେ ପହଞ୍ଚିବା ପରେ ଗାଁକୁ ଗଲା ବଳଙ୍ଗା ପୀଡ଼ିତାଙ୍କ ମରଶରୀର
ନନ୍ଦିଘୋଷ ବ୍ୟୁରୋ: ଦିଲ୍ଲୀରୁ ଇଣ୍ଡିଗୋ ବିମାନରେ ଭୁବନେଶ୍ବର ବିମାନ ବନ୍ଦରରେ ପହଞ୍ଚିଲା ବଳଙ୍ଗା ପୀଡ଼ିତାଙ୍କ ମରଶରୀର । ଏଥିପାଇଁ ବିମାନ ବନ୍ଦରରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଥିଲା । ବିମାନ ବନ୍ଦରରୁ ମରଶରୀର ନେବାକୁ ସ୍ବର୍ଗଦ୍ବାର ଗାଡି ପ୍ରସ୍ତୁତ ହୋଇ ରହିଥିଲା । ଏହାପରେ ବିମାନ ବନ୍ଦରରୁ ସିଧା ମୃତ ପୀଡ଼ିତାଙ୍କ ଗାଁ ଅଭିମୁଖେ ବାହାରିଥିଲା ସ୍ବର୍ଗଦ୍ବାର ଗାଡି ।
ଏହା ପୂର୍ବରୁ ବିମାନ ବନ୍ଦର ବାହାରେ ବିଭିନ୍ନ ରାଜନୈତିକ ଦଳର ନେତା, କର୍ମୀ ଓ ସାଧାରଣ ଜନତା ଉପସ୍ଥିତ ରହି ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଜଣାଇଥିଲେ । ପୋଲିସର ସୁରକ୍ଷା ବଳୟ ଭିତରେ ସ୍ବର୍ଗଦ୍ବାର ଗାଡି ନୂଆ ଗୋପାଳପୁର ଗାଁ ଅଭିମୁଖେ ବାହାରିଥିଲା ।
