ରାସ୍ତାପାଇଁ ରାସ୍ତା ରୋକ: ପୁଣି ଜାତୀୟ ରାଜପଥ 326 ଅବରୋଧ କଲେ ଗ୍ରାମବାସୀ ଓ ବଣିକ ସଂଘ

ରାସ୍ତାପାଇଁ ରାସ୍ତା ରୋକ । ପୁଣି ଜାତୀୟ ରାଜପଥ 326 ଅବରୋଧ କଲେ ଗ୍ରାମବାସୀ ଓ ବଣିକ ସଂଘ । ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ପାଟପୁର ଥାନା ପଳାସପୁର ଛକରେ ରାସ୍ତା ଅବରୋଧ କରିଛନ୍ତି । ଆସିକା ସେରଗଡ଼- ଦିଗପହଣ୍ଡି ବ୍ରହ୍ମପୁର ମୁଖ୍ୟ ରାସ୍ତାର କାମ ନିମ୍ନମାନର ହୋଇଥିବା ଅଭିଯୋଗ। ଖାଲ ଖମା ଯୋଗୁଁ ଘଟୁଛି ଦୁର୍ଘଟଣା । ଠିକାଦାରଙ୍କ ମନମୁଖୀ କାର୍ଯ୍ୟ ପାଇଁ ରାସ୍ତାରୋକ ହୋଇଥିବାବେଳେ ଉଭୟ ପାଶ୍ୱରେ ଅଟକିଛି ଗାଡି ମୋଟର । ଖବର ପାଇ ପାଟପୁର ପୋଲିସ ଓ ସାନଖେମୁଣ୍ଡି ତହସିଲଦାର ପହଞ୍ଚି ଲୋକଙ୍କୁ ବୁଝାସୁଝା କରିବା ସହ ପ୍ରତିଶୃତି ଦେବାପରେ ହଟିଲା ରାସ୍ତାରୋକ ।