ବୟସ ୫୦ରୁ ଅଧିକ ହେଲେ ବାର୍ଦ୍ଧକ୍ୟ ଛୁଇଁନି, ଏବେ ବି ମାଟି ସାଙ୍ଗେ ଲଢ଼େଇ କରି କରୁଛନ୍ତି ଫୁଲ ଚାଷ

ଗଞ୍ଜାମ: ପରିଣତ ବୟସରେ ଫୁଲ ଚାଷ । ରାତି ଦିନ ଏକ କରି ନିଜ ଜମିରେ ଭଳି କି ଭଳି ଫୁଲ ଚାଷ କରୁଛନ୍ତି ବୃଦ୍ଧ । ଆଉ ଏହାକୁ ବିକ୍ରି କରି ଦିପଇସା ରୋଜଗାର କରୁଛନ୍ତି ନଟବର । ଏଥିପାଇଁ ସରକାରଙ୍କ ପକ୍ଷରୁ ନଟବରଙ୍କୁ କୌଣସି ପ୍ରୋତ୍ସାହନ ମିଳିନାହିଁ । କି ସରକାରଙ୍କ ପକ୍ଷରୁ କୌଣସି ତାଲିମ ମଧ୍ୟ ଦିଆଯାଇନାହିଁ । ତେବେ ସରକାରୀ ପ୍ରୋତ୍ସାହନ ମିଳିଲେ ଆଗକୁ ଅଧିକ ଚାଷ କରିବେ ବୋଲି ଆଶା ରଖିଛନ୍ତି ସେ ।

ଗଞ୍ଜାମ ଜିଲ୍ଲା ଆସିକା ବ୍ଲକ ସାହସପୁରର ନଟବର ନାହାକ । ବୟସ ଟପିଲାଣି ୫୦ । ହେଲେ ଏପର୍ଯ୍ୟନ୍ତ ଏହି ବୃଦ୍ଧଙ୍କୁ ଛୁଇଁ ନାହିଁ ବାର୍ଦ୍ଧକ୍ୟ । ପରିଣତ ବୟସରେ ମାଟିର ମଣିଷ ପରି ମାଟି ହୋଇ ସଂଘର୍ଷ କରୁଛନ୍ତି । ଆଉ ନିଜ ଅଳ୍ପ କେଇ ଖଣ୍ଡ ଜମିରେ ଫୁଲ ଚାଷ କରୁଛନ୍ତି । ବିଭିନ୍ନ ପ୍ରକାର ଗେଣ୍ଡୁ, ଗୋଲାପ, ସେବତୀ ସାଙ୍ଗକୁ ଭଳି କି ଭଳି ଫୁଲ ଚାଷ କରୁଛନ୍ତି ନଟବର । ଆଉ ଏହାକୁ ବିକ୍ରି କରି ଦିପଇସା ରୋଜଗାର କରୁଛନ୍ତି ।

ଫୁଲଚାଷ କରିବା ପାଇଁ ନଟବରଙ୍କୁ କୌଣସି ପ୍ରୋତ୍ସାହନ ମିଳିନାହିଁ । କି ସରକାରଙ୍କ ପକ୍ଷରୁ କୌଣସି ତାଲିମ ମଧ୍ୟ ଦିଆଯାଇନାହିଁ । ମାତ୍ର ନିଜ ଇଚ୍ଛାଶକ୍ତି ବଳରେ ଜଣେ ସଫଳ ଫୁଲଚାଷୀ ହୋଇପାରିଛନ୍ତି ନଟବର । ଅନ୍ୟପଟେ ନଟବର ଚାହିଁଲେ ଫୁଲଚାଷ ପାଇଁ ତାଙ୍କୁ ସରକାରଙ୍କ ତରଫରୁ ସମସ୍ତ ସୁବିଧା ସୁଯୋଗ ଯୋଗାଇ ଦିଆଯିବ ବୋଲି କହିଛନ୍ତି ଦାୟିତ୍ୱରେ ଥିବା ହର୍ଟିକଲଚର ଅଧିକାରୀ ।

Leave a Reply