ଏୟାର ଲିଫ୍ଟ ହେଉଛନ୍ତି ବଳଙ୍ଗା ପୀଡ଼ିତା, ଏମ୍ସରୁ ବିମାନବନ୍ଦର ଯାଏଁ ଗ୍ରୀନ କରିଡର

ଭୁବନେଶ୍ବର : ଏୟାର ଲିଫ୍ଟ ହେଉଛନ୍ତି ବଳଙ୍ଗା ପୀଡ଼ିତା । ଦିଲ୍ଲୀ ଏମ୍ସକୁ କରାଯାଉଛି ଏୟାରଲିଫ୍ଟ। ଭୁବନେଶ୍ୱର ଏମ୍ସରୁ ଆମ୍ବୁଲାନ୍ସ ଯୋଗେ ବିମାନ ବନ୍ଦରକୁ ନିଆଯାଉଛି ।  ବିଜୁ ପଟ୍ଟନାୟକ ବିମାନବନ୍ଦର ହୋଇଛି ଗ୍ରୀନ କରିଡର । କମିଶନରେଟ ପୋଲିସ ପକ୍ଷରୁ ଗ୍ରୀନ କରିଡର ବ୍ୟବସ୍ଥା କରାଯାଇଛି। ପୀଡିତାଙ୍କ ଯିବା ରାସ୍ତା ହୋଇଛି ଟ୍ରାଫିକ ଫ୍ରି । କମିଶନରେଟ ପୋଲିସ ପକ୍ଷରୁ ଏନେଇ ସୂଚନା ଦିଆଯାଇଛି। ଏ ସମ୍ପର୍କରେ ଟ୍ରାଫିକ ଓ୍ବିଙ୍ଗ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି । କମ ସମୟରେ ପୀଡିତାଙ୍କୁ ବିମାନ ବନ୍ଦରରେ ପହଞ୍ଚାଇବା ପ୍ରାଥମିକତା ରହିବ ବୋଲି ସୂଚନା ଦେଇଛନ୍ତି ଡିସିପି । ପୀଡ଼ିତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି। ଏଥିପାଇଁ ତାଙ୍କୁ ଦିଲ୍ଲୀ ପଠାଇବାକୁ ନିଷ୍ପତ୍ତି ନିଆଯାଇଛି। ଦିଲ୍ଲୀ ଏମସରେ ସ୍ଵତନ୍ତ୍ର ଟିମ୍ ଚିକତ୍ସା କରିବେ I ସେଠାରୁ ଏକ ଟିମ୍ ଆସି ପୀଡ଼ିତାଙ୍କ ସହିତ ରହିବେ। ପୀଡ଼ିତାଙ୍କ ଶରୀରର ୭୦ରୁ ୭୫ ପ୍ରତିଶତ ପୋଡିଯାଇଛି। ଡାକ୍ତରୀ ଟିମ୍ ଓ ପୀଡ଼ିତାଙ୍କ ପରିବାର ସହ ଆଲୋଚନା।