ଏୟାର ଇଣ୍ଡିଆ ଏକ୍ସପ୍ରେସକୁ ନେଇ ବଡ଼ ଖୁଲାସା, ଇଞ୍ଜିନ ବଦଳାଇବା ନଁରେ କରିଥିଲା ହେରାଫେରି

ନନ୍ଦିଘୋଷ ବ୍ୟୁରୋ ପୁଣି ବିବାଦ ଘେରରେ ଏୟାର ଇଣ୍ଡିଆ ଏକ୍ସପ୍ରେସ୍ । ୟୁରୋପୀୟ ସଂଘର ବିମାନ ସୁରକ୍ଷା ସଂସ୍ଥାର ନିର୍ଦ୍ଦେଶ ସତ୍ତ୍ୱେ ଟାଟା ଗ୍ରୁପର ଏହି ବିମାନ କମ୍ପାନୀ ଏହାର ଏୟାରବେସ୍ A320 ବିମାନର ଇଞ୍ଜିନର ଆବଶ୍ୟକୀୟ ଅଂଶ ଗୁଡିକୁ ସମୟ ମଧ୍ୟରେ ବଦଳାଇ ନଥିଲା । କେବଳ ଏତିକି ନୁହେଁ, ବିମାନ କମ୍ପାନୀ ମରାମତି କାର୍ଯ୍ୟ ସମୟ ମଧ୍ୟରେ ସମାପ୍ତ ହୋଇଛି ବୋଲି ରେକର୍ଡ ଗୁଡିକୁ ଜାଲିଆତି କରି ଦେଖାଇବାକୁ ଚେଷ୍ଟା କରୁଥିବା ଅଭିଯୋଗ ହୋଇଛି ।

ଏକ ରିପୋର୍ଟ ଅନୁଯାୟୀ, ଏକ ଗୋପନୀୟ ସରକାରୀ ମେମୋ ଅନୁଯାୟୀ, ବିମାନ ଚଳାଚଳ ନିୟାମକ DGCA ମାର୍ଚ୍ଚ ମାସରେ ଏୟାର ଇଣ୍ଡିଆ ଏକ୍ସପ୍ରେସକୁ କଡ଼ା ସମାଲୋଚନା କରିଥିଲେ । ଯାଞ୍ଚରୁ ଜଣାପଡିଛି ଯେ ଏୟାରବେସ୍ A320ର ଇଜଞ୍ଜିନରେ ବାଧ୍ୟତାମୂଳକ ଅଂଶଗୁଡିକୁ ସମୟ ମଧ୍ୟରେ ବଦଳାଯାଇ ନଥିଲା । DGCA ଅନୁଯାୟ, ମରାମତି ହୋଇଥିବା ଦର୍ଶାଇବା ପାଇଁ ବିମାନ କମ୍ପାନୀ ଜାଣିଶୁଣି AMOS ସିଷ୍ଟମରେ ରେକର୍ଡ ପରିବର୍ତ୍ତନ କରାଯାଇଥିଲା ।

ଏବେ ଏୟାର ଇଣ୍ଡିଆ ଏକ୍ସପ୍ରେସ୍ ନିଜର ଭୁଲ ସ୍ୱୀକାର କରିଛି  ଏବଂ କହିଛି ଯେ, ରେକର୍ଡ ପରିବର୍ତ୍ତନ କରିବା ସମୟରେ ଭୁଲ୍ ହୋଇଥିଲା କିନ୍ତୁ ପରେ ଏହାକୁ ସଂଶୋଧନ କରାଯାଇଥିଲା । ତଥାପି, କମ୍ପାନୀ ମରାମତି କେଉଁ ତାରିଖରେ କରାଯାଇଥିଲା ତାହା ସ୍ପଷ୍ଟ କରିନାହିଁ  ଏବଂ ନକଲି ରେକର୍ଡ ଅଭିଯୋଗର କୌଣସି ସିଧାସଳଖ ଉତ୍ତର ଦେଇନାହିଁ । ମାର୍ଚ୍ଚ ମାସରେ ଦିଆଯାଇଥିବା ଚେତାବନୀ ପରେ , ଏୟାରଲାଇନ୍ସ କ୍ୱାଲିଟି ମ୍ୟାନେଜର  ଏବଂ ଏୟାରଓ୍ୱାର୍ଥିନେସ୍ ମ୍ୟାନେଜର ଙ୍କୁ ପଦବୀରୁ ହଟାଇ ଦିଆଯାଇଥିବା ଜଣାପଡିଛି ।