ଅଯୋଧ୍ୟା : ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବକୁ ନେଇ ଉତ୍କଣ୍ଠା ବଢୁଛି। ଆଉ ମାତ୍ର କିଛି ଘଣ୍ଟାର ଅପେକ୍ଷା। ସାରା ଦେଶରେ ଉତ୍ସାହର ମାହୋଲ ଥିବା ବେଳେ ଅଯୋଧ୍ୟାକୁ ହଜାର ହଜାର ଶ୍ରଦ୍ଧାଳୁଙ୍କ ସୁଅ ଛୁଟୁଛି। ଏଥିରେ ସାମିଲ ହୋଇଛନ୍ତି ସିନେମା ଜଗତର ବହୁ ନାମିଦାମୀ ସେଲିବ୍ରେଟି। ପ୍ରତିଷ୍ଠା କାର୍ଯ୍ୟକ୍ରମରେ ସାମିଲ ହେବା ପାଇଁ ଅନେକ ସେଲିବ୍ରେଟି ଅଯୋଧ୍ୟାରେ ପହଞ୍ଚି ସାରିଲେଣି ତ ଆଉ କିଏ ଅଯୋଧ୍ୟା ଅଭିମୁଖେ ଯାତ୍ରା କରୁଛନ୍ତି।
ଆଜି ଭୋରୁ ମୁମ୍ୱାଇ ବିମାନ ବନ୍ଦରରେ ଅଭିନେତ୍ରୀ ଆଲିୟା ଭଟ୍ଟ ଓ ଅଭିନେତା ରଣବୀର କପୁର ନଜର ଆସିଛନ୍ତି । ଉଭୟ ଅଯୋଧ୍ୟା ଅଭିମୁଖେ ବାହାରିଛନ୍ତି। ଏହାସହ ପାରମ୍ପରିକ ପୋଷାକରେ ନଜର ଆସିଛନ୍ତି ଆଲୟା ଓ ରଣବୀର । ରଣବୀର ଧୋତି, କୁର୍ତା ପିନ୍ଧିଥିବା ବେଳେ ଆଲିୟା ସାଢୀ ପିନ୍ଧିଥିବା ଦେଖିବାକୁ ମିଳିଛି ।
ଏହା ବ୍ୟତୀତ ଶ୍ରୀରାମ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମରେ ସାମିଲ୍ ହେବା ପାଇଁ ଫିଲ୍ମ ନିର୍ମାତା ରୋହିତ ସେଟ୍ଟୀ, ବଲିଉଡ୍ ଅଭିନେତା ଅମିତାଭ୍ ବଚ୍ଚନ ଓ ପୁଅ ଅଭିଷେକ୍ ବଚ୍ଚନ ଏବଂ କ୍ୟାଟ୍ରିନା କୈଫ୍, ବିକି କୌଶଲ ବାହାରିଛନ୍ତି । ସେହିପରି ଅଭିନେତ୍ରୀ ମାଧୁରୀ ଦୀକ୍ଷିତ ତାଙ୍କ ସ୍ୱାମୀଙ୍କ ସହ ଅଯୋଧ୍ୟା ଗସ୍ତ କରିଛନ୍ତି।
ଅଯୋଧ୍ୟାରେ ପହଞ୍ଚି ସାରିଛନ୍ତି ବଲିଉଡ ଅଭିନେତ୍ରୀ କଙ୍ଗନା ରାଣାୱତଙ୍କ ସହ ଅନେକ ସେଲିବ୍ରେଟି ।
