ଭୁବନେଶ୍ବର: ବିଜେପି ରାଲିରେ ଫସିଗଲା ୧୦୮ ଆମ୍ବୁଲାନ୍ସ। OD 02-BN- 7098 ନମ୍ବର ଥିବା ୧୦୮ ଆମ୍ବୁଲଆନ୍ସଟି ଆଜି ଭୁବନେଶ୍ବରରେ ପୁରୀ- କଟକ ରୋଡରେ ଫସିଯାଇଥିଲା। ଭୁବନେଶ୍ବର ଏକାମ୍ର ବିଜେପି ବିଧାୟକ ପ୍ରାର୍ଥୀ ବାବୁ ସିଂଙ୍କ ନାମାଙ୍କନ ରାଲି ଯୋଗୁଁ ଗୋଟେ ପଟ ବନ୍ଦ ହୋଇ ସିଙ୍ଗଲ ୱେ ହୋଇଯାଇଥିଲା।
ଏହି ସମୟରେ ସାଇରନ ବଜାଉଥିବା ଆମ୍ବୁଲାନ୍ସକୁ ବି ବାଟ ମିଳିଲାନି। ବିଜେପି କର୍ମୀ ବାଟ ଛାଡ଼ିନଥିଲେ। ଆମ୍ବୁଲାନ୍ସଟି ଜଣେ ପେଟ ଯନ୍ତ୍ରଣା ଭୋଗୁଥିବା ରୋଗୀଙ୍କୁ ଆଣିବାକୁ ସାମନ୍ତରାପୁର ଯାଉଥିଲା। ହେଲେ ବହୁ ସମୟ ଧରି ଫସି ରହିଥିଲା। ଉଭୟ ପଟୁ ଆମ୍ବୁଲାନ୍ସ ଯିବାରେ ଅସୁବିଧା ହୋଇଥିଲା। ଆଜି ବିଜେପି ରାଲିରେ ଏଭଳି ଅମାନବିକତା ଦେଖିବାକୁ ମିଳିଥିଲା। ଏଭଳି କାମକୁ ସବୁ ମହଲରେ ନିନ୍ଦା କରାଯାଉଛି ।
