ଜାତୀୟ ରାଜପଥ ପ୍ରକଳ୍ପର ଶୁଭାରମ୍ଭ କଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ବର: ଦେଶର ଆର୍ଥିକ ବିକାଶ ରାଜପଥ ବିକାଶ ସହ ଯୋଡ଼ିହୋଇଛି । ଗତ ବର୍ଷମାନଙ୍କରେ ଯୋଗାଯୋଗ ବ୍ୟବସ୍ଥା ସୁଦୃଢ଼ ହୋଇଛି । କେନ୍ଦ୍ର ସରକାରଙ୍କ ଭିତ୍ତିଭୂମି ବିକାଶ କରିଚାଲିଛିନ୍ତି । ଆଜି ଲୋକସେବା ଭବନରେ ୨ଟି ଏନଏଚ ପ୍ରକଳ୍ପର ଉଦଘାଟନ କରି ଏହା କହିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ ।

କାମାକ୍ଷାନଗର ଡୁବୁରି ଏନଏଚ-୫୩ରେ ୪ଥାକିଆ ରାସ୍ତାର ଲୋକାର୍ପଣ ସହ କଳାହାଣ୍ଡି ଜିଲ୍ଲା ମୋଟେରୁରୁ ବାନେରେ ଭାୟା ଲଡୁଗାଁ ରାସ୍ତା ପ୍ରଶସ୍ତିକରଣର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ଅମିତ ଶାହ । କାମାକ୍ଷାନଗର ଡୁବୁରି ଏନଏଚ-୫୩ରେ ୫୧ କିଲୋମିଟର ୪ଥାକିଆ ରାସ୍ତା ପାଇଁ ଖର୍ଚ୍ଚ ହୋଇଛି ୭୬୧ କୋଟି ।

ସେହିପରି ମୋଟେରୁରୁ ବାନେରେ ଭାୟା ଲଡୁଗାଁ ୧୫ କିଲୋମିଟର ରାସ୍ତା ପ୍ରଶସ୍ତିକରଣ କାମ ପାଇଁ ୩୪ କୋଟି ଖର୍ଚ୍ଚ ହେବ । ଏହା ଖଣିଜ ସମ୍ପଦ ଭରା ଅନୁଗୁଳ ଓ ଢେଙ୍କାନାଳକୁ ଦେଶ ସହ ଯୋଡିବ ବୋଲି କହିଛନ୍ତି କେନ୍ଦ୍ର ଗୃହମନ୍ତ୍ରୀ । ଉଦବୋଧନ ଦେଇ କହିଛନ୍ତି, କେନ୍ଦ୍ରକୁ ସର୍ବଦା ଓଡ଼ିଶା ସହଯୋଗ କରିଆସିମୁଖ୍ୟମନ୍ତ୍ରୀ ଭାବେ ରେକର୍ଡ କରିଛନ୍ତି ନବୀନ ପଟ୍ଟନାୟକ । ଓଡ଼ିଆ ଝିଅ ଦ୍ରୌପଦୀ ମୁର୍ମୁ ରାଷ୍ଟ୍ରପତି ହୋଇଛନ୍ତି ବୋଲି କହିଛନ୍ତି ।