ବିଧାନସଭା ସୋମବାର ଯାଏ ମୁଲତବୀ । ଚାଷୀ ପ୍ରସଙ୍ଗରେ ଗୃହ ଅଚଳ । ସ୍ଥିତି ନ ସୁଧୁରିବାରୁ ମୁଲତବୀ । ଅପରାହ୍ନ ୪ଟା ପରେ ବି ହଙ୍ଗାମା । ଗୃହ ମଧ୍ୟଭାଗରେ ହଟ୍ଟଗୋଳ କଲେ ବିରୋଧୀ । ପ୍ରଥମେ ୪ଟା ଯାଏ ଗୃହ ହୋଇଥିଲା ମୁଲତବୀ । ଚାଷୀ ପ୍ରସଙ୍ଗରେ ବିରୋଧୀ କରିଥିଲେ ହଙ୍ଗାମା । ବିଧାନସଭା ବଜେଟ ଅଧିବେଶନ। ଗୃହରେ ପ୍ରବଳ ହଟ୍ଟଗୋଳ ହେବାରୁ ଗୃହକୁ ୪ଟା ଯାଏ ମୁଲତବୀ ଘୋଷଣା କରାଯାଇଥିଲା। ସରକାର ଚାଷୀଙ୍କଠାରୁ ଧାନ ନ କିଣିବା ଯାଏ ବିଧାନସଭାରେ ଗୃହ ଅଚଳ ରହିବ ବୋଲି କହୁଛନ୍ତି ବିରୋଧୀ। ଧାନ କିଣା ଅବ୍ୟବସ୍ଥା, ମଣ୍ଡି ସମସ୍ୟା, କଟଣୀ ଛଟଣୀ ପ୍ରସଙ୍ଗରେ ଗୃହ କମ୍ପୁ ଥିବା ବେଳେ ଆଜି ମଧ୍ୟ ସମାନ ପ୍ରସଙ୍ଗକୁ ନେଇ ଗୃହ ଅଚଳ ରହିଛି। ଅଧିବେଶନ ସମୟରେ ପଏଣ୍ଟ ଅଫ ଅର୍ଡର ମାଗିଥିଲେ ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ। ଯେତେବେଳେ ଗୃହ ସ୍ୱାଭାବିକ ନଥାଏ, ଆଲୋଚନା କେମିତି ହେଉଛି ବୋଲି ସେ ପ୍ରଶ୍ନ କରିଥିଲେ।
