ସ୍ପେଶ୍ ଷ୍ଟେସନରେ ପହଞ୍ଚି ଇତିହାସ ରଚିଲେ ଶୁଭାଂଶୁ

ନନ୍ଦିଘୋଷ ବ୍ୟୁରୋ : ଇତିହାସ ରଚିଲେ ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଳା। ଦ୍ବିତୀୟ ଭାରତୀୟ ଭାବେ ମହାକାଶ ଷ୍ଟେସନରେ କରିଛନ୍ତି ଲ୍ୟାଣ୍ଡିଂ। ଶୁଭାଂଶୁଙ୍କ ସହ ଆଇଏସଏସରେ ପହଞ୍ଚିଛନ୍ତି ଆଉ ୩ ମହାକାଶଚାରୀ। କେନେଡି ସ୍ପେସ ସେଣ୍ଟରରୁ ଉତକ୍ଷେପଣର ୨୮ ଘଣ୍ଟା ପରେ ଡ୍ରାଗନ କ୍ୟାପସୁଲ କରିଥିଲା ଡକିଂ। ଗତକାଲି କେନେଡି ସ୍ପେସ ସେଣ୍ଟରରୁ ଆରମ୍ଭ ହୋଇଥିଲା ଆକ୍ସିଅମ-୪ ମିଶନ। ୪୧ ବର୍ଷ ପରେ ରାକେଶ ଶର୍ମାଙ୍କ ପରେ ଆଇଏସଏସ ଯାଇଛନ୍ତି ଶୁଭାଂଶୁ। ଗ୍ରୁପ କ୍ୟାପଟେନ ଶୁଭାଂଶୁଙ୍କ ସହ ଯାଇଛନ୍ତି ହଙ୍ଗେରୀର ତିବୋର କାପୁ, ନାସାର ପୂର୍ବତନ ଆଷ୍ଟ୍ରୋନଟ ପେଗି ହୁଇଟସନ, ପୋଲାଣ୍ଡ ତଥା ୟୁରୋପିଆନ ସ୍ପେସ ଏଜେନ୍ସିର ସ୍ଲାଓଜ ଉଜନସ୍କି ଉଇସନିସ୍କି। ମହାକାଶ ଷ୍ଟେସନରେ ୪ ଆଷ୍ଟ୍ରୋନଟ ରହିବେ ୧୪ ଦିନ। ଆଜି ସକାଳେ ମହାକାଶରୁ ବାର୍ତ୍ତା ଦେବା ସହ ଭାରତବାସୀଙ୍କୁ ନମସ୍କାର କରିଥିଲେ ଶୁଭାଂଶୁ ଶୁକ୍ଳା ।