ପାକିସ୍ତାନରେ ହୋଇଥିବା କ୍ଷେପଣାସ୍ତ୍ର ଆକ୍ରମଣରୁ ଅଳ୍ପକେ ବର୍ତ୍ତିଗଲେ ଅଷ୍ଟ୍ରେଲିୟ କ୍ରିକେଟର

ନନ୍ଦିଘୋଷ ବ୍ୟୁରୋ: ବିପଦରେ ଥିଲା ବିଦେଶୀ ଖେଳାଳୀଙ୍କ ଜୀବନ । ପାକିସ୍ତାନ ସୁପର ଲିଗରେ ଖେଳୁଥିବା ବିଦେଶୀ ଖେଳାଳୀ ଅଳ୍ପକେ ବର୍ତ୍ତି ଯାଇଛନ୍ତି । ଭାରତ ପାକିସ୍ତାନ ଯୁଦ୍ଧ ଭିତରେ ପାକିସ୍ତାନରେ କ୍ଷେପଣାସ୍ତ୍ର ଆକ୍ରମଣରୁ ଅଳ୍ପକେ ବର୍ତ୍ତି ଯାଇଛନ୍ତି ଖେଳାଳୀମାନେ । ଏକ ମିଡିଆ ରିପୋର୍ଟ ଅନୁସାରେ, ସିଆନ୍ ଆବୋଟ୍, ବେନ୍ ଡୋର୍ଣୁଇସ୍, ଆଷ୍ଟନ୍ ଟର୍ନର ଏବଂ ମିଚ୍ ଓଓ୍ବେନ୍ଙ୍କୁ ଏକ ଚାର୍ଟର ବିମାନରେ ଦୁବାଇ ନିଆଯାଇଥିଲା । ସୌଭାଗ୍ୟ ବସତଃ ଆକ୍ରମଣ ହେବା ପୂର୍ବରୁ ସେମାନେ ବର୍ତ୍ତି ଯାଇଥିଲେ । ସେମାନେ ସେହି ସ୍ଥାନରୁ ଚାଲିଯିବା ପରେ ହିଁ ଭାରତୀୟ ସେନା ସାମରିକ ଘାଟିକୁ ଟାର୍ଗଟ କରିଥିଲା ।

ପିଏସଏଲରେ ଖେଳୁଥିବା ଅଷ୍ଟ୍ରେଲିୟ ଖେଳାଳିମାନେ ସୁରକ୍ଷିତ ପାକିସ୍ତାନ ଛାଡ଼ିଛନ୍ତି । ପାକିସ୍ତାନ କ୍ରିକେଟ ବୋର୍ଡ ଖେଳାଳିଙ୍କ ପାଇଁ ଏକ ଚାର୍ଟର ବିମାନ ବ୍ୟବସ୍ଥା କରିଥିଲା । ଯାହା ଗତ ଶୁକ୍ରବାର ଇସଲାମାବାଦରୁ ଦୁବାଇ ଯାତ୍ରା କରିଥିଲା । ଗତକାଲି ସେମାନେ ଦୁବାଇରୁ ଅଷ୍ଟ୍ରେଲିୟା ଯାଇଛନ୍ତି ।