ନନ୍ଦିଘୋଷ ବ୍ୟୁରୋ: ଅଯୋଧ୍ଯା ଗଣଦୁଷ୍କର୍ମ ମାମଲା। ଅଭିଯୁକ୍ତର ସପିଂ କମ୍ପ୍ଲେକ୍ସରେ ବୁଲିଲା ବୁଲଡୋଜର। ବେଆଇନ ଭାବେ ନିର୍ମାଣ କରାଯାଇଥିବା ଅଭିଯୋଗ କ୍ରମେ କାରଖାନାକୁ ଭାଙ୍ଗିଦିଆଯାଇଛି। ଗଣଦୁଷ୍କର୍ମ ଅଭିଯୋଗରେ ସମାଜବାଦୀ ପାର୍ଟି ନେତା ତଥା ଅଭିଯୁକ୍ତ ମୋଇଦ ଖାଁଙ୍କ ବିରୋଧରେ ପଦକ୍ଷେପ ନେଇଛି ପ୍ରଶାସନ। ସେଠାରେ ବେଆଇନ ଭାବେ ମୋଇଦ ଖାଁ ଏକ ସପିଂ କମ୍ପ୍ଲେକ୍ସ ନିର୍ମାଣ କରିଥିଲେ ବୋଲି ଅଭିଯୋଗ ହୋଇଥିଲା। ସେପଟେ ଅଯୋଧ୍ଯା ଗଣଦୁଷ୍କର୍ମ ପୀଡିତାଙ୍କ ଘରେ କଡା ସୁରକ୍ଷା ବ୍ଯବସ୍ଥା କରାଯାଇଛି। ଲକ୍ଷ୍ମୌ କେଜିଏମୟୁରେ ପୀଡିତାଙ୍କ ଗର୍ଭ ପରୀକ୍ଷା ପରେ ତାଙ୍କୁ ଭାଦର୍ସା ସହରକୁ ସ୍ଥାନାନ୍ତର କରାଯାଇଛି। ପୀଡିତାଙ୍କୁ ସରକ୍ଷା ଦେବା ଲାଗି ୩୦ ଜଣ ପୋଲିସ, ମହିଳା କନଷ୍ଟେବଳଙ୍କୁ ମୁତୟନ କରାଯାଇଛି। ଦୁଷ୍କର୍ମ ମାମଲାରେ ଗତ ଜୁଲାଇ ୩୦ରେ ଅଭିଯୁକ୍ତ ମୋଇଦ ଖାଁଙ୍କୁ ଗିରଫ କରିଥିଲା ପୋଲିସ। ପୂର୍ବରୁ ମୋଇଦଙ୍କ ପାଉଁରୁଟି କାରଖାନାଙ୍କୁ ପ୍ରଶାସନ ଭାଙ୍ଗି ଦେଇଥିଲା।
