ଆସାମ: ସାଥି ୬ ଯବାନଙ୍କୁ ଗୁଳିମାଡ଼ କରି ଯବାନଙ୍କ ଆତ୍ମହତ୍ୟା। ଭାରତୀୟ ସେନା ଆସାମ ରାଇଫଲ୍ସର ଜଣେ ଯବାନ କ୍ୟାମ୍ପରେ ୬ ସାଥି ଯବାନଙ୍କୁ ଗୁଳିମାଡ଼ କରିଥିଲେ। ଯବାନଙ୍କ ଉପରେ ଆଖିବୁଜା ଗୁଳିମାଡ଼ ଡ଼ କରିବା ପରେ ଶେଷରେ ନିଜକୁ ଗୁଳି ମାରି ଆତ୍ମହତ୍ୟା କରିଛନ୍ତି। ଆତ୍ମହତ୍ୟା କରିଥିବା ଯବାନ ଜଣକ ମଣିପୁରର ହୋଇଥିବାବେଳେ ଗୁଳିମାଡ଼ କରିଥିବା ଅନ୍ୟ ଯବାନ ଅନ୍ୟ ରାଜ୍ୟର ବୋଲି ସୂଚନା ମିିଳିଛି । ଦକ୍ଷିଣ ମଣିପୁରରେ ଥିବା ଆସାମ ରାଇଫଲ୍ସର କ୍ୟାମ୍ପରେ ଘଟିିଛି ଏହି ଗୁଳିକାଣ୍ଡ। ସମସ୍ତ ଆହତ ଯବାନଙ୍କୁ ମିଲିଟାରୀ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ସେମାନଙ୍କ ସ୍ବାସ୍ଥ୍ୟବସ୍ଥା ସ୍ଥିର ଥିବା ଜଣାପଡିଛି।
ସୁଚନା ଅନୁଯାୟା, ଆତ୍ମହତ୍ୟା କରିଥିବା ଯବାନ ଜଣକ ନିକଟରେ ଘରୁ ଛୁଟିରୁ ଫେରିଥିଲେ। ରାତିରେ ଡ୍ୟୁଟି ସମୟରେ ହଠାତ ବନ୍ଧୁକରେ ଗୁଳି ଲୋଡ କରି ସାଥି ଯବାନଙ୍କ ଉପରେ ଗୁଳି ବର୍ଷଣ କରିଥିଲେ । ତେବେ ମଣିପୁରରେ ଚାଲିଥିବା ହିଂସାକାଣ୍ଡ ସହ ଏହି ଘଟଣାର କୌଣସି ସମ୍ପର୍କ ନଥିବା ସ୍ଥାନୀୟ ପୋଲିସ ପକ୍ଷରୁ କୁହାଯାଇଛି । ଯବାନ ଜଣକ କାହିଁକି ସାଥି ଯବାନଙ୍କୁ ଗୁଳିମାଡ଼ କରିଛନ୍ତି ଏହାର ତଦନ୍ତ ଲାଗି କମିଟି ଗଠନ କରାଯାଇଛି।
