ନନ୍ଦିଘୋଷ ବ୍ୟୁରୋ: ଇରାନରୁ ଫେରୁଛନ୍ତି ଭାରତୀୟ। ଗତ ରାତିରେ ଶହ ଶହ ଭାରତୀୟ ସ୍ଵତନ୍ତ୍ର ବିମାନରେ ଆସି ଦିଲ୍ଲୀରେ ପହଞ୍ଚିଛନ୍ତି। ନିଜ ଦେଶରେ ପହଞ୍ଚିବା ପରେ ସେମାନେ ଆଶ୍ଵସ୍ତ ହୋଇଛନ୍ତି। କିଏ ସେଠାରେ କାମ କରୁଥିଲା, କିଏ ପାଠ ପଢିବାକୁ ଯାଇଥିଲା। ଆଉ କିଏ ତୀର୍ଥଯାତ୍ରାରେ କିମ୍ଵା ଏମିତି ଭ୍ରମଣ ପାଇଁ ଯାଇଥିଲା। ସରକାର ବିରୋଧୀ ଆନ୍ଦୋଳନ ତେଜିବା ପରେ ଇରାନରେ ଦେଖା ଦେଇଛି ଅରାଜକତା।
ପୂରା ବିପଦପୂର୍ଣ୍ଣ ସ୍ଥିତି। କେତେ ବେଳେ କଣ ହେବ କହି ହେବ ନାହିଁ। ସରକାର ମଧ୍ୟ ଦୃଢ଼ ହସ୍ତରେ ଆନ୍ଦୋଳନକୁ ଦମନ କରିବାକୁ ଚେଷ୍ଟା କରୁଛନ୍ତି। ହଜାର ହଜାର ଲୋକଙ୍କୁ ବନ୍ଦୀ କରାଯାଇଛି। କେତେକଙ୍କୁ ମୃତ୍ୟୁଦଣ୍ଡ ଦିଆଯାଇଥିବା ମଧ୍ୟ କୁହାଯାଇଛି। ମୋଟାମୋଟି ଭାବେ ଇରାନରେ ଭୟଙ୍କର ସ୍ଥିତି ରହିଛି। ତେଣୁ ସେଠାରୁ ଫେରି ଆସୁଛନ୍ତି ଭାରତୀୟମାନେ। … ଏଠାରେ ପହଞ୍ଚିବା ପରେ ସେମାନେ ବହୁତ ଖୁସି ହୋଇଛନ୍ତି।
