ନନ୍ଦିଘୋଷ ବ୍ୟୁରୋ : ବଳଙ୍ଗା ଘଟଣାର ୮ ଦିନ ପରେ ବି ଜଣାପଡ଼ିନି ନାବାଳିକା ଦେହରେ କିଏ ନିଆଁ ଲଗାଇଥିଲା । ଆଜି ପୀଡ଼ିତାଙ୍କ ପରିବାରକୁ ପୋଲିସ ପକ୍ଷରୁ ସୁରକ୍ଷା ଯୋଗାଇ ଦିଆଯାିଛି। ତାଙ୍କର ଘର ସାମ୍ନାରେ ପୋଲିସ ମୁତୟନ ହୋଇଛନ୍ତି। କଡାକଡ଼ି କରାଯାଇଛି ସୁରକ୍ଷା ବ୍ୟବସ୍ଥା। ଦିନ ରାତି ୨୪ ଘଣ୍ଟା ୬ ଜଣ ପୋଲିସ ଜଗି ରହିବେ। ଆଗରୁ ପୀଡ଼ିତାଙ୍କୁ ଉଦ୍ଧାର କରିଥିବା ଦୁଃଖୀଶ୍ୟାମଙ୍କ ପରିବାରକୁ ବଳଙ୍ଗା ପୋଲିସ ପକ୍ଷରୁ ସୁରକ୍ଷା ଯୋଗାଇ ଦିଆ ଯାଇଥିଲା। ଗତ ଶନିବାର ପୁରୀ ଜିଲ୍ଲା ବଳଙ୍ଗା ଥାନା ବାୟାବର ଗାଁର ଜଣେ ନାବାଳିକାଙ୍କ ଦେହରେ କେତେକ ଦୁର୍ବୃତ୍ତ ନିଆଁ ଲଗାଇ ଦେଇଥିବା ଅଭିଯୋଗ ହୋଇଥିଲା। ପୀଡ଼ିତା ଏବେ ଦିଲ୍ଲୀ ଏମ୍ସରେ ଚିକିତ୍ସାଧୀନ। ଆଜି ଆଉ ଥରେତ ତାଙ୍କର ଅପରେସନ ହେଉଥିବା ଜଣାପଡ଼ିଛି। ଆଗରୁ ଥରେ ତାଙ୍କର ବୟାନ ରେକର୍ଡ ହୋଇଥିଲା। ପୁଣି ଥରେ ବୟାନ ପାଇଁ ଦିଲ୍ଲୀ ଯାଇଛି ପୋଲିସ। ଆଜି ତାଙ୍କ ଆଗରେ ପୋଲିସ ମୁତୟନ ହେବା, ଘଟଣାକୁ ନୂଆ ମୋଡ଼ ଦେଇଛି।
