ବାଟଲା ହାଉସ୍ ଏନକାଉଣ୍ଟରର ୧୧ ବର୍ଷ ପରେ ମୋହନଚାନ୍ଦଙ୍କୁ ମିଳିଲା ବୀରତା ସମ୍ମାନ

ନୂଆଦିଲ୍ଲୀ: ବାଟଲା ହାଉସ ଏନକାଉଣ୍ଟରରେ ସହୀଦ ହୋଇଥିବା ଦିଲ୍ଲୀ ପୋଲିସର ସ୍ପେଶାଲ ସେଲ ଇନ୍ସପେକ୍ଟର ମୋହନ ଚନ୍ଦ ଶର୍ମାଙ୍କୁ ବୀରତା ପୁରସ୍କାରରେ ସମ୍ମାନିତ କରାଯାଇଛି । ଦିଲ୍ଲୀ ସ୍ପେଶାଲ ସେଲରେ କାମ କରୁଥିଲେ ମୋହନ ଚନ୍ଦ । ଶୁକ୍ରବାରକୁ ଗୃହ ମନ୍ତ୍ରାଳୟ ଏହି ପୁରସ୍କାର ଘୋଷଣା କରିଛନ୍ତି । ମୋହନଙ୍କ ସମେତ ସାରା ଦେଶରୁ ୨୧୫ ଜଣଙ୍କୁ ସମ୍ମାନିତ କରାଯାଇଛି ।

ଦିଲ୍ଲୀର ବାଟଲା ହାଉସ ଏନକାଉଣ୍ଟର କଥା ଭାବିଲେ ହଠାତ୍ ମନେ ପଡ଼ିଯାନ୍ତି ମୋହନଚନ୍ଦ ଶର୍ମା । ସେଦିନ ଦେଶର ସବୁ ଟିଭି ଚ୍ୟାନେଲରେ ପ୍ରସାରିତ ହେଉଥିଲା ଗୋଟିଏ ଖବର, ଆଉ ତାହା ଥିଲା ବାଟଲା ହାଉସରେ ଘଟିଥିବା ଛାତିଥରା କାହାଣୀ । ସମସ୍ତଙ୍କ ମନରେ ଗୋଟିଏ ପ୍ରଶ୍ନ, ସେଦିନ କ’ଣ ଘଟିଥିଲା । ସମସ୍ତେ ତାଙ୍କ ବିଷୟରେ ହିଁ ଜାଣିବାକୁ ଚାହୁଁଥିଲେ ।

batla house encounter mohan
ମୋହନ ଚାନ୍ଦଙ୍କୁ ହସ୍ପିଟାଲ ନେଉଛନ୍ତି ସାଥୀ (ଫାଇଲ ପଟୋ)

୧୩ ସେପ୍ଟେମ୍ବର ୨୦୦୮ । ଦିଲ୍ଲୀର କରୋଲବାଗ୍‌, କନ୍ନାଟ ପ୍ଲେସ,ଇଣ୍ଡିଆ ଗେଟ୍ ଏବଂ ଗ୍ରେଟର କୈଳାଶ ଠାରେ କ୍ରମାଗତ ଭାବରେ ହେଲା ଗୋଟିଏ ପରେ ଗୋଟିଏ ବୋମା ବିସ୍ଫୋରଣ । ସେହି ବିସ୍ଫୋରଣରେ ୨୬ ଜଣ ଲୋକଙ୍କ ଜୀବନ ଯାଇଥିବା ବେଳେ ୧୩୩ ଜଣ ଆହତ ହୋଇଥିଲେ । ଯାଂଚ ପରେ ଜଣା ପଡ଼ିଲାଯେ ଏହି ବୋମା ବିସ୍ଫୋରଣ ପଛରେ ଆତଙ୍କବାଦୀ ସଙ୍ଗଠନ ଇଣ୍ଡିଆନ ମୁଜାହିଦ୍ଦିନର ହାତ ଥିଲା । ଏହି ବିସ୍ଫୋରଣ ପରେ ୧୯ ସେପ୍ଟେମ୍ବର ଦିନ ଇଣ୍ଡିଆନ ମୁଜାହିଦ୍ଦିନର ପାଞ୍ଚ ଜଣ ଆତଙ୍କବାଦୀ ବାଟଲା ହାଉସର ଏକ ଘରେ ଲୁଚି ରହିଥିବା ଖବର ପାଇଥିଲା ଦିଲ୍ଲୀ ପୋଲିସର ସ୍ପେଶାଲ ସେଲ । ଯାହାପରେ ପୋଲିସ୍ ଟିମ୍ ସଚେତନ ହୋଇ ଯାଇଥିଲା ।
୧୯ ସେପ୍ଟେମ୍ବର ୨୦୦୮ ସକାଳ ୮ଟାରେ ମୋହନଚନ୍ଦ ଶର୍ମାଙ୍କ ଫୋନ କଲ ପାଇଲେ ସ୍ପେଶାଲ ସେଲର ଲୋଧି କଲୋନି ସ୍ଥିତ କାର୍ଯ୍ୟାଳୟରେ  ଉପସ୍ଥିତ ଥିବା ଏସ.ଆଇ. ରାହୁଲ କୁମାର ସିଂ । ଆତିଫ ଏଲ.୧୮ରେ ରହୁଥିବା ସେ ଫୋନରେ ଜଣାଇଥିଲେ । ଆତିଫକୁ ଧରିବା ପାଇଁ ଘରୋଇ ଗାଡ଼ିରେ ରାହୁଲ ସିଂ ତାଙ୍କ ବନ୍ଧୁ ମାନଙ୍କ ସହିତ ବାହାରିଗଲେ । ସେମାନଙ୍କ ମଧ୍ୟରେ ଥିଲେ ଏସ.ଆଇ ରବୀନ୍ଦ୍ର ତ୍ୟାଗୀ,ଏସ.ଆଇ.ରାକେଶ ମଲିକ,ହାବିଲଦାର ବଳବନ୍ତ,ସତେନ୍ଦ୍ର ବିନୋଦ ଗୌତମ ଆଦି ପୋଲିସ କର୍ମୀ । ଏହି ଟିମର ଇନ୍ସପେକ୍ଟର ମୋହନଚନ୍ଦ ଶର୍ମା ଡେଙ୍ଗୁ ଜ୍ୱରରେ ପୀଡ଼ିତ ତାଙ୍କ ପୁଅକୁ ନର୍ସିଂ ହୋମରେ ଛାଡ଼ି ବାଟଲା ହାଉସ ପାଇଁ ବାହାରିଗଲେ ।

batla encounter

ଅବାସୀ ଚୌକ ନିକଟରେ ସେ ତାଙ୍କ ଟିମ ପାଖରେ ପହଂଚିଲେ ଏବଂ ସମସ୍ତେ ପୋଲିସ ୟୁନିଫର୍ମରେ ଥିଲେ । ସେଠାରେ ହୋଇଥିବା ଏନକାଉଣ୍ଟରରେ ମୋହନଚାନ୍ଦ ସହିଦ ହୋଇଥିଲେ । ମୋହନ ସହିଦ ହେବାର ୧୧ ବର୍ଷ ପରେ ତାଙ୍କୁ ବୀରତା ସମ୍ମାନ ପ୍ରଦାନ କରାଯାଇଛି । ମୋହନଙ୍କୁ ସମ୍ମାନିତ ନକରିବା ପଛରେ ତତ୍କାଳୀନ ରାଜନୀତି ଥିଲା ବୋଲି କୁହଯାଏ । କାରଣ ସେହି ସମୟରେ ଶାସନର ଥିବା ୟୁପିଏର ପ୍ରମ୍ମୁଖ ଅଂଶୀଦାର କଂଗ୍ରେସର କିଛି ବଡ ନେତା ବାଟଲା ହାଉସ ଏନକାଉଣ୍ଟରର ବୈଧତାକୁ ନେଇ ପ୍ରଶ୍ନ ଉଠାଇଥିଲେ । ସେମାନେ ଏହି ଏନକାଉଣ୍ଟରକୁ ମିଥ୍ୟା ଏନକାଉଣ୍ଟର ବୋଲି କହିଥିଲେ । ଅନ୍ୟପକ୍ଷରେ ବିଜେପି ଏହାକୁ ମୁସଲିମ୍ ଭୋଟ ପାଇଁ ତୁଷ୍ଟୀକରଣ ରାଜନୀତି ବୋଲି କହୁଥିଲା ।

Leave a Reply