ରୋହିତ ଓ ବିରାଟଙ୍କୁ ନେଇ ବିସିସିଆଇ ନେଇପାରେ ବଡ଼ ନିଷ୍ପତ୍ତି
ନନ୍ଦିଘୋଷ ବ୍ୟୁରୋ: ହିଟମ୍ୟାନ ରୋହିତ ଶର୍ମା ଏବଂ କିଙ୍ଗ କୋହଲିଙ୍କ ଦିନିକିଆ କ୍ୟାରିୟରକୁ ନେଇ ଚର୍ଚ୍ଚା ଲଶଗି ରହିଛି । ଉଭୟ ୨୦୨୭ ବିଶ୍ବକପ୍ ଖେଳିବେ କି ନାହିଁ ତାକୁ ନେଇ ନାନା ମୁନି ନାନା ମତ ଦେଉଛନ୍ତି । ଦକ୍ଷିଣ ଆଫ୍ରିକା ବିପକ୍ଷରେ ଉଭୟ ଖେଳାଳି ଦିନିକିଆ ଖେଳିବାକୁ ଯାଉଛନ୍ତି । ଏହାରି ଭିତରେ ଉଭୟଙ୍କୁ ନେଇ ବିସିସିଆଇ ଏକ ବଡ଼ ବୈଠକ କରିବାକୁ ଯାଉଥିବା ଜଣାପଡ଼ିଛି । ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜ ପରେ ଏହି ବୈଠକ ହେବ ବୋଲି ଶୁଣିବାକୁ ମିଳୁଛି ।
ଗୁରୁତ୍ବପୂର୍ଣ୍ଣ କଥା ହେଲା ବିସିସିଆ ଅଧିକାରୀ ମୁଖ୍ୟ କୋଚ ଅଜିତ ଅଗରକର ଏବଂ ଗୌତମ ଗମ୍ଭୀରଙ୍କ ସହ କରିବାକୁ ଯାଉଛନ୍ତି । ଉଭୟ ୨୦୨୭ ଦିନିକିଆ ବିଶ୍ବକପ୍ ଖେଳିବେ କି ନାହିଁ ତାହା ଉପରେ ନିଷ୍ପତ୍ତି ନିଆଯିବ ବୋଲି ଶୁଣିବାକୁ ମିଳୁଛି ।
ରିପୋର୍ଟ ଅନୁସାରେ ଦିନିକିଆ ସିରିଜର ଶେଷ ମ୍ୟାଚ୍ ପରେ ଅହମ୍ମଦାବାଦରେ ଏହି ବୈଠକ ହୋଇପାରେ । ବିସିସିଆଇ ସୂତ୍ରରୁ ଜଣାପଡିଛି, ରୋହିତ ଓ ବିରାଟଙ୍କ ପରି ଖେଳାଳିଙ୍କ ପାଖରୁ ମ୍ୟାନେଜମେଣ୍ଟ କ’ଣ ଚାହୁଁଛି, ସେମାନଙ୍କ ଭୂମିକା କ’ଣ ହେବା ଦରକାର ସେମାନଙ୍କୁ ଜଣାଇବା ନିହାତି ଆବଶ୍ୟକ ।
ରିକୋର୍ଟ ଅନୁସାରେ ବିସିସିଆଇ ରୋହିତ ଶର୍ମାଙ୍କୁ ପରାମଶ୍ର ଦେଇ କହିଛି, ତାଙ୍କୁ ନେଇ ହେଉଥିବା ଚର୍ଚ୍ଚା ଉପରେ ପ୍ରତିକ୍ରିୟା ଦେବାରୁ ଦୂରେଇ ରହିବା ସହ ଫିଟନେଓ ଓ ଖେଳ ଉପରେ ଧ୍ୟାନ ଦିଆ ।
ଏମିତି ସ୍ଥିତିରେ ଆଜିର ଦିନରେ କ୍ରିକେଟ ଜଗତର ଦୁଇ ମହାନ ଖେଳାଳି ଚାପରେ ଥିବା ବେଳେ ସେମାନଙ୍କ ଅବସରକୁ ନେଇ ଚର୍ଚ୍ଚା ତାଙ୍କ ଖେଳ ଉପରେ ବି ପ୍ରଭାବ ପକାଇବାର ଆଶଙ୍କା ରହିଛି । କିଛି କ୍ରିକେଟ୍ ବିଶ୍ଲେଷକଙ୍କ ମତରେ ଉଭୟ ୨୦୨୭ ଦିନିକିଆ ବିଶ୍ବକପ୍ ଟିମରେ ରହିବା ନିହାତି ଆବଶ୍ୟକ । କାରଣ, କେବଳ ବ୍ୟାଟ ଓ ବଲରେ ମ୍ୟାଚ ଜିତିବା ଅସମ୍ଭବ । ବଡ଼ ଟୁର୍ଣ୍ଣାମେଣ୍ଟରେ ବଡ଼ ଖେଳାଳିଙ୍କ ଅଭିଜ୍ଞତାର ବି ବହୁତ ଆବଶ୍ୟକତା ପଡ଼ିବ ।
