ପୁଣିଥରେ ନକଭିଙ୍କୁ ଚେତାବନୀ ଦେଲା ବିସିସିଆଇ, ଯଦି ଟ୍ରଫି ନଫେରାଇବ ତାହେଲେ…

ନନ୍ଦିଘୋଷ ବ୍ୟୁରୋ : ଏସୀଆ କପ ୨୦୨୫ରେ ଭାରତ ଚାମ୍ପିୟନ ହୋଇଛି । ତେବେ ଟ୍ରଫିକୁ ଲାଗି ରହିଥିବା ବିବାଦ ପୁଣିଥରେ ଆରମ୍ଭ ହୋଇଛି । ନକଭି ଟ୍ରଫି ନେଇ ହୋଟେଲ ଯାଇଥିବାବେଳେ ଆଜିଯାଏଁ ଭାରତକୁ ଟ୍ରଫି ପ୍ରଦାନ କରିନାହାନ୍ତି । ତେବେ ଏବେ କଠୋର ହୋଇଛି ବିସିସିଆଇ । ନକଭିଙ୍କୁ ଏକ ଚିଠି ଲେଖିଛନ୍ତି । ଏହି ଚିଠିରେ ଲେଖିଛନ୍ତି କି, ଯଦି ଟ୍ରଫି ନଫେରାଇବେ ତାହେଲେ ପରବର୍ତ୍ତୀ ପଦକ୍ଷେପ ନେଇପାରେ । ଇଣ୍ଡିଆ ଟୁଡେର ଏକ ସ୍ବତନ୍ତ୍ର ଆଲୋଚନାରେ ବିସିସିଆଇର ସଚିବ ଏଭଳି କହିଥିବା ଦେଖିବାକୁ ମିଳିଛି । ୨୮ ସେପ୍ଟେମ୍ବରରେ ଖେଳାଯାଇଥିବା ଫାଇନାଲ ମ୍ୟାଚରେ ପାକିସ୍ତାନକୁ ପରାସ୍ତ କରି ଟିମ୍ ଇଣ୍ଡିଆ ଏସିଆ କପ୍ ୨୦୨୫ ଟାଇଟଲ ଜିତିଥିଲା। ଫାଇନାଲରେ ଭାରତ ପାକିସ୍ତାନକୁ ୫ ୱିକେଟରେ ପରାସ୍ତ କରିଥିଲା। ତଥାପି, ମ୍ୟାଚ୍ ପରେ ଉପସ୍ଥାପନା ସମୟରେ, ଭାରତୀୟ ଅଧିନାୟକ ସୂର୍ଯ୍ୟକୁମାର ଯାଦବ PCB ଏବଂ ACC ସଭାପତି ମୋହସିନ ନକଭିଙ୍କଠାରୁ ଟ୍ରଫି ଗ୍ରହଣ କରିବାକୁ ମନା କରିଦେଇଥିଲେ। ଫଳସ୍ୱରୂପ, ମୋହସିନ ନକଭି ଏସିଆ କପ୍ ଟ୍ରଫି ନେଇ ଚାଲିଯାଇଥିଲେ ।