ଗରିବ ନାବାଳିକାକୁ ନର୍ସିଂରେ ବିଏସସି କରାଇଦେବାକୁ ଦୁଷ୍ମର୍ମ ଅଭିଯୋଗ, ବନ୍ଧାହେଲେ ଆଉ ୨ ଅଭିଯୁକ୍ତ

ନନ୍ଦିଘୋଷ ବ୍ୟୁର; ଗୋପାଳପୁର ଗଣଦୁଷ୍କର୍ମ ଘଟଣାରେ ତଦନ୍ତ ନସରୁଣୁ ପୁଣି ଥରେ ଜଣେ ନାବାଳିକା ଦୁଷ୍କର୍ମର ଶିକାର ହୋଇଥିବା ଅଭିଯୋଗ ହୋଇଛି । ୧୭ ବର୍ଷର ଗରିବ ନାବାଳିକାକୁ ନର୍ସିଂରେ ବିଏସସି କରାଇଦେବାକୁ ପ୍ରଲୋଭିତ କରି ଦୁଷ୍କର୍ମ କରିଛନ୍ତି ଜଣେ ନକଲି ହୋମିଓପାଥି ଡାକ୍ତର । ଏହି ଜଘନ୍ୟକାଣ୍ଡରେ ସହଯୋଗ କରିଥିଲେ ଜଣେ ଅଙ୍ଗନବାଡ଼ି କର୍ମୀଙ୍କ ସହିତ ଜଣେ ମହିଳା ସହଯୋଗୀ । ଗତକାଲି ବିଳମ୍ବିତ ରାତିରେ ପୀଡ଼ିତାଙ୍କ ମାଉସୀ ବୈଦ୍ୟନାଥପୁର ପୋଲିସ ଷ୍ଟେସନରେ ମାମଲା ଏତଲା ଦେବା ପରେ ଆଜି ପ୍ରଥମେ ଡାକ୍ତର ଭବାନୀ ଶଙ୍କର ଦାସଙ୍କୁ ଗିରଫ କରିଥିଲା ପୋଲିସ । ପରେ ସଂଧ୍ୟାରେ ସଂପୃକ୍ତ ଅଙ୍ଗନବାଡ଼ି କର୍ମୀ ଓ ସହଯୋଗୀଙ୍କୁ ପୋଲିସ ଗିରଫ କରିଛି । ପୀଡ଼ିତାର ମା’ଙ୍କ ବୟାନ ଅନୁସାରେ, ତାଙ୍କ ଝିଅକୁ ଜଣେ ଅଙ୍ଗନବାଡି କର୍ମୀ ବିଏସସି ନର୍ସିଂ ପାଇଁ ମାଗଣାରେ ରହିବା ଖାଇବାକୁ ପ୍ରଲୋଭିତ କରି ଡାକି ଆଣିଥିଲେ । ସେହି ଅନୁସାରେ, ଭବାନୀ ଶଙ୍କରର ବାଜପେୟୀ ଆରୋଗ୍ୟଧାମକୁ ଆସିଥିଲେ ପୀଡ଼ିତା ।

ତିନି ଦିନ ତଳେ ପୀଡିତାଙ୍କ ମାଆ, ମାଉସୀ ଓ ପୀଡିତା ଅଭିଯୁକ୍ତଙ୍କୁ ସଂଧ୍ୟା ୫ଟାରେ ପରେ ନାବାଳିକା ସହ ଅସଦାଚରଣ କରିଥିବା ନେଇ ପୀଡ଼ିତା ଅଭିଯୋଗ କରିଛନ୍ତି । ଏଥିରେ ସହଯୋଗ କରିଥିଲେ ଦୁଇ ମହିଳା। ପୀଡ଼ିତାକୁ ଏକ ଆପାର୍ଟମେଣ୍ଟକୁ ନେଇ ନିଶା ଦେଇ ଅସଦାଚରଣ କରିଥିବା ଅଭିଯୋଗ ହୋଇଛି। ଘଟଣାରେ ପୋଲିସର ତଦନ୍ତ ଜାରି ରହିଛି। ଅନ୍ୟପଟେ ପୀଡିତାଙ୍କ ଡାକ୍ତରୀ ପରୀକ୍ଷା କରାଯାଇଥିଲା । ସାଇଣ୍ଟିଫିକ ଟିମ ବାଜପେୟୀ ଆରୋଗ୍ୟଧାମ ଏବଂ ଆପାର୍ଟମେଣ୍ଟ ପରିଦର୍ଶନ କରିଛନ୍ତି ଏବଂ ପ୍ରମାଣ ସଂଗ୍ରହ କରାଯାଇଛି। ତେବେ ଗୁରୁତ୍ବପୂର୍ଣ୍ଣ କଥା ହେଲା ଗିରଫ ଡାକ୍ତର ଭାବନୀ ଶଙ୍କର ଦାସ ଜଣେ ନକଲି ଡାକ୍ତର । ପୋଲିସ ତାର ପ୍ରାଥମିକ ତଦନ୍ତରୁ ଏହା ଜାଣିପାରିଛି । ତାଙ୍କ ଡିଗ୍ରୀ ଏବଂ ଯୋଗ୍ୟତା ସମ୍ପର୍କରେ ତଦନ୍ତ ଚାଲିଛି ।