ସଟର ତାଡି ଲକ୍ଷାଧିକ ଟଙ୍କାର ସୁନା ଗହଣା ଲୁଟ୍

ନନ୍ଦିଘୋଷ ବ୍ୟୁରୋ: ସଟର ତାଡି ଲକ୍ଷାଧିକ ଟଙ୍କାର ସୁନା ଗହଣା ଲୁଟ । ବାଲେଶ୍ବର ଜିଲ୍ଲା ଭୋଗରାଇ ବ୍ଳକ୍ କମର୍ଦ୍ଦା ଥାନା ବେଲଦା ହାଟପୋଖରୀ ନିକଟରେ ଥିବା ଜୁଏଲାରୀ ଦୋକାନରୁ ଲୁଟ ହୋଇଛି।  ବିଳମ୍ବିତ ରାତିରେ ଦୁର୍ବୃତ୍ତ ମାନେ ସଟର ତାଡି ଲୁଟ କରି ଫେରାର  ହୋଇଯାଇଛନ୍ତି। ସକାଳୁ ଦୋକାନରୁ ଚୋରି ହୋଇଥିବା ଖବର ପାଇଥିଲେ ଦୋକାନ ମାଲିକ। ସେଠାରେ ପହଞ୍ଚି  ସଟର ତଡ଼ାଯାଇଥିବା ସହ ସମସ୍ତ ଅଳଙ୍କାର, ଟଙ୍କା ଚୋରି ହେଇଥିବା ଦେଖିବାକୁ ପାଇଥିଲେ। ଏନେଇ ଥାନାରେ ଅଭିଯୋଗ ପରେ  କମର୍ଦ୍ଦା ପୋଲିସ ଘଟଣାସ୍ଥଳରେ ପହଞ୍ଚି ଛାନବିନ୍ ଆରମ୍ଭ କରିଛି। ପ୍ରତିଦିନ ଭୋଗରାଇ ବ୍ଳକ୍ ଅଞ୍ଚଳରେ ଚୋରି ବଢୁଥିବାବେଳେ ପୋଲିସ ରାତି ପେଟ୍ରୋଲିଂ କଡାକଡି କରିବାକୁ ଦାବି ହୋଇଛି।