ଭୁବେନେଶ୍ବର : ଭୁବେନେଶ୍ବର ସତ୍ଯନଗର ୱେରହାଉସରେ ବଡ ଧରଣର ଅଗ୍ନିକାଣ୍ଡ। ଭୟାବହ ଅଗ୍ନିକାଣ୍ଡରେ ବିପୁଳ ସମ୍ପତ୍ତି କ୍ଷୟକ୍ଷତି ହୋଇଥିବା ସୂଚନା। ପ୍ରଥମ ଥର ପାଇଁ ନିଆକୁ ଆୟତ୍ତ କରିବା ପାଇଁ ବ୍ୟବହାର ହୋଇଛି ରୋବୋଟିକ ମେସିନ। ରୋବୋଟିକ ମେସିନ ସହାୟତାରେ ନିଆଁକୁ ଆୟତ୍ତ କରିଛି ଅଗ୍ନିଶମ ବାହିନୀ।
ପିଏସପି ଡିଷ୍ଟ୍ରିବ୍ଯୁଟର ନାମକ ସଂସ୍ଥାର ଗୋଦାମରେ ହଠାତ ଲାଗିଥିଲା ନିଆଁ। ସନ୍ଧ୍ୟା ୭ଟା ବେଳେ ମାଲିକ ବନ୍ଦ କରି ଘରକୁ ଯିବା ପରେ ସେଠାରେ ନିଆଁ ଲାଗିଥିଲା। କେଉଁ କାରଣରୁ ନିଆଁ ଲାଗିଲା କାରଣ ଅସ୍ପଷ୍ଟ ଥିବା ବେଳେ ନିଆଁ କୁ ଆୟତ୍ତ କରିବା ପାଇଁ ନକେଦମ ହେବାକୁ ପଡ଼ିଥିଲା ଅଗ୍ନିଶମ ବାହିନୀକୁ। ନିଆଁଲିଭା କାର୍ଯ୍ୟରେ ୧୦ଟି ଟିମର ୧୦୦ରୁ ଅଧିକ କର୍ମଚାରୀ ନିୟୋଜିତ ଥିଲେ। ନିଆଁର ପ୍ରକୋପ ଏତେ ଅଧିକ ଥିଲା ଯେ ଆୟତ୍ତ କରିବା ପାଇଁ ସ୍ବତନ୍ତ୍ର କେମିକାଲ ଯୁକ୍ତ ଫୋମ ବ୍ୟବହାର କରିଥିଲା ଅଗ୍ନିଶମ ବାହିନୀ। ଗୋଦାମ ଗୃହରେ ବିଭିନ୍ନ କମ୍ପାନୀର ଗ୍ରାଇଣ୍ଡର, ପ୍ରେସର କୁକର,ଫ୍ୟାନ ଆଦି ଇଲୋକ୍ଟ୍ରୋନିକ ସାମଗ୍ରୀ ବହୁ ପରିମାଣରେ ଥିଲା।
