ପାଟଣା: ବିହାର ମଦ ଟ୍ରାଜେଡି। ବଢୁଛି ମୃତ୍ୟୁ ସଂଖ୍ୟା । ବିଷାକ୍ତ ମଦ ପିଇ ଏବେସୁଦ୍ଧା ୩୮ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ସଂଖ୍ୟା ଆହୁରି ବଢ଼ିବା ଆଶଙ୍କା କରାଯାଉଛି । ଡ୍ରାଏ ଷ୍ଟେଟରେ ମଦ ମୃତ୍ୟୁକୁ ନେଇ ସରକାରଙ୍କୁ ଘେରିଛନ୍ତି ବିରୋଧୀ। ଆଜି ବିଧାନସଭାରେ ବି ସରକାରଙ୍କୁ ବିରୋଧୀ ଟାର୍ଗେଟ କରିବା ସହ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଇସ୍ତଫା ଦାବି କରିଛନ୍ତି।
ସେପଟେ ରାଜ୍ୟରେ ମଦ ବ୍ୟାନ ସଫଳ ହୋଇଛି । ବିଷାକ୍ତ ମଦ ପିଇ ମୃତ୍ୟୁ ଘଟଣା ପ୍ରାୟ ରାଜ୍ୟରୁ ଆସୁଥିବା ବେଳେ ନକଲି ମଦ ପିଇଲେ ଲୋକେ ମରିବା ନିଶ୍ଚିତ ବୋଲି ନୀତୀଶ କହିଛନ୍ତି। ରାଜ୍ୟରେ ମଦ ବ୍ୟାନ ପାଇଁ ସବୁ ଦଳ ଏକାଠି ନିଷ୍ପତ୍ତି ଦେଇଥିଲେ। ରାଜ୍ୟବାସୀ ଏହାର ସୁଫଳ ପାଇଛନ୍ତି । ମାତ୍ର କେତେଜଣ ଅମାନିଆ ଏହାକୁ ନମାନି ବିଷାକ୍ତ ମଦ ପିଉଛନ୍ତି।
ତେବେ ଚୋରାରେ ବିଷାକ୍ତ ମଦ ବିକ୍ରି କରୁଥିବା ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ନୀତୀଶ କହିଛନ୍ତି । ଅନ୍ୟପଟେ ବିଜେପି ସମର୍ଥକ ମଦ ମାଫିଆଙ୍କ ସହ ମିଶି ୟୁପିରୁ ଚୋରାରେ ମଦ ଆଣୁଛନ୍ତି । ସରକାରଙ୍କୁ ବଦନାମ କରିବାକୁ ଜାଣିଶୁଣି ଏପରି କରାଯାଉଛି ବୋଲି ଆରଜେଡି ବିଧାୟକଙ୍କ ଅଭିଯୋଗ କରିଛନ୍ତି ।
