ସରିଲାଣି ଆସନ ଭାଗବଣ୍ଟା!, ଆଜି ସଂନ୍ଧ୍ୟାରେ ଗୁରୁତ୍ବପୂର୍ଣ୍ଣ ବୈଠକ

ନନ୍ଦିଘୋଷ ବ୍ୟୁରୋ: ବିହାର ନିର୍ବାଚନ ତାରିଖ ଘୋଷଣା ହେବା ପରେ ସରଗମର ହେବାରେ ଲାଗିଛି ରାଜନୈତିକ ମାହୋଲ । ଏନଡିଏ ଏବଂ ମହାଗଠବନ୍ଧନ ମଧ୍ୟରେ କଡ଼ା ଟକ୍କର ହେବାକୁ ଯାଉଛି । ତେବେ ଏଥର ମହାଗଠବନ୍ଧନ ବେଶ ଦମରେ ରହିଥିବାବେଳେ ବିହାରରେ କିଏ ସରକାର ଗଠନ କରିବ ଏହାକୁ ନେଇ ବେଶ ଚର୍ଚ୍ଚା ହେଉଛି । ତେବେ ଏହାରି ଭିତରେ ମହାଗଠବନ୍ଧନର ଆସନ ଭାଗବଣ୍ଟା ଏକପ୍ରକାର ଶେଷ ପର୍ଯ୍ୟାୟରେ ପହଞ୍ଚିଛି । ଆଜି ସଂନ୍ଧ୍ୟାରେ ଏକ ବଡ଼ ବୈଠକ ହେବ ବୋଲି କୁହାଯାଉଛି ।

ତେବେ ମିଳିଥିବା ତଥ୍ୟକୁ ଯଦି ବିଶ୍ବାସ କରିବା ତାହେଲେ ଆରଜେଡି ୧୩୦ରୁ ୧୩୫ ଆସନରେ ଲଢ଼ିବ । ସେହିପରି କଂଗ୍ରେସ ୫୫ରୁ ୫୮, ଭିଆଇପି- ୧୪ରୁ ୧୪ ଏବଂ ବାମଦଳ ଗୁଡ଼ିକ ୩୦ରୁ ୩୫ ଆସନରେ ଲଢ଼ିବେ । ତେବେ ଏହି ଗଣିତକୁ ନେଇ କିଛି ଅସୁବିଧା ରହିଥିବାବେଳେ ଆଜି ସଂନ୍ଧ୍ୟାରେ ତେଜସ୍ବୀ ଯାଦବଙ୍କ ବାସଭବନରେ ବୈଠକ ହେବାକୁ ଯାଉଛି । ସେପଟେ ମୁକେଶ ସାହାଣୀଙ୍କୁ ଉପମୁଖ୍ୟମନ୍ତ୍ରୀ ପ୍ରାର୍ଥୀଭାବେ ଘୋଷଣା କରାଯାଇପାରେ ।