ନନ୍ଦିଘୋଷ ବ୍ୟୁରୋ: ଆଜିଠୁ ବିଜୟ ହଜାରେ ଟ୍ରଫି । ପ୍ରଥମ ଦିନରେ ଖେଳାଯିବ ୧୬ଟି ମ୍ୟାଚ । ବିରାଟ କୋହଲି ଏବଂ ରୋହିତ ଶର୍ମାଙ୍କ ସମେତ ଟିମ୍ ଇଣ୍ଡିଆର ଅନେକ ଷ୍ଟାର ଖେଳାଳି ଏହି ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିଛନ୍ତି । ବିଜୟ ହଜାରେ ଟ୍ରଫିରେ ବିରାଟ ଏବଂ ରୋହିତଙ୍କ ଆଗମନକୁ ନେଇ ଚର୍ଚ୍ଚା ସୃଷ୍ଟି କରିଛି । ୨୦୨୫-୨୬ ବିଜୟ ହଜାରେ ଟ୍ରଫି ସିଜିନରେ ମୋଟ ୩୮ଟି ଦଳ ଅଂଶଗ୍ରହଣ କରୁଛନ୍ତି । ଜାନୁଆରୀ ୧୮ ପର୍ଯ୍ୟନ୍ତ ଚାଲିବାକୁ ଥିବା ଏହି ଟୁର୍ଣ୍ଣାମେଣ୍ଟରେ ୧୩୫ଟି ମ୍ୟାଚ୍ ଖେଳାଯିବାକୁ ସ୍ଥିର ହୋଇଛି। ଏହି ଦଳଗୁଡ଼ିକୁ ସାତଟି ଦଳର ଚାରିଟି ଗ୍ରୁପରେ ବିଭକ୍ତ କରାଯାଇଛି । ଯେଉଁଥିରେ ଛଅଟି ଦଳକୁ ଏକ ପ୍ଲେଟ୍ ଗୃପରେ ବିଭକ୍ତ କରାଯାଇଛି। ଟୁର୍ଣ୍ଣାମେଣ୍ଟର ପ୍ରଥମ ଦିନରେ ମୋଟ ୧୬ଟି ମ୍ୟାଚ୍ ଖେଳାଯିବ। ବିରାଟ କୋହଲି ଦିଲ୍ଲୀ ଦଳ ପାଇଁ ଖେଳିବେ । ଯାହା ଆନ୍ଧ୍ରକୁ ଭେଟିବ। ରିଷଭ ପନ୍ତ ଏବଂ ଦ୍ରୁତ ବୋଲର ଇଶାନ୍ତ ଶର୍ମା ମଧ୍ୟ ଦିଲ୍ଲୀ ଦଳ ପାଇଁ ଖେଳୁଛନ୍ତି । ଅନ୍ୟ ଜଣେ ଦ୍ରୁତ ବୋଲର ନବଦୀପ ସାଇନି ମଧ୍ୟ ଦିଲ୍ଲୀ ଦଳ ପାଇଁ ଖେଳିବେ।
