ନନ୍ଦିଘୋଷ ବ୍ୟୁରୋ : ପୋଲିସକୁ ମାଡ଼ ମାରିଲା ପୋଲିସ । ଯାଜପୁର ଜିଲ୍ଲା ବିଞ୍ଝାରପୁର ବ୍ଲକ ଅଳୁକୁଣ୍ଡ ଥାନାରେ ଏଏସଆଇଙ୍କୁ ମାଡ଼ ଅଭିଯୋଗ । ଥାନା ଅଧିକାରୀ ଦେବାଶିଷ ଶତପଥୀ ଏଏସଆଇ ପ୍ରକାଶ କୁମାର ସିଂହଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି । ଏକ ଚାର୍ଜସିଟ ଲେଖାକୁ ନେଇ ଥାନା ଅଧିକାରୀ ଏଏସଆଇଙ୍କୁ ମାଡ ମାରିଥିଲେ । ଏନେଇ SDPOଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି ଏଏସଆଇ ପ୍ରକାଶ କୁମାର ସିଂହ । ମାଡ ମରାଯିବାର ଭିଡିଓ ସିସିଟିଭିରେ କଏଦ ହୋଇଛି । ଯାଜପୁର SDPO ପ୍ରଶାନ୍ତ ମାଝୀ ଅଳୁକୁଣ୍ଡ ଥାନାରେ ପହଁଚି ସିସିଟିଭି ଯାଞ୍ଚ କରିଛନ୍ତି ।
