ସେପଟେ ଧାନ ସଂଗ୍ରହ ନେଇ ସମବାୟ ମନ୍ତ୍ରୀଙ୍କ ବୟାନକୁ କଡ଼ା ସମାଲୋଚନା କରିଛନ୍ତି ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ। ସେ କହିଛନ୍ତି- ସରକାର ଏଥର ଚାଷୀଙ୍କୁ ବୃଦ୍ଧି ହୋଇଥିବା MSP ଦେବେ ନାହିଁ । ଏଥର ଧାନ ସଂଗ୍ରହରେ ବହୁତ ବିଳମ୍ବ ହେବ। ଧାନ ସଂଗ୍ରହ ନେଇ ସରକାରଙ୍କ ନୀତି ସ୍ପଷ୍ଟ ନାହିଁ। ଜାଣି ଜାଣି ସରକାର ଧାନ ସଂଗ୍ରହ ବିଳମ୍ବ କରୁଛନ୍ତି । ଚାଷୀ କଣ କେବେ ଚାହେଁ କଟନିଛଟନି କରିବାକୁ। ସମବାୟ ମନ୍ତ୍ରୀଙ୍କ ଏପରି ସଲାସୂତରା ବୟାନ ଠିକ୍ ନୁହେଁ। ଚାଷୀ ଆଜି ବି ରାସ୍ତାରେ ଆନ୍ଦୋଳନ କରୁଛି। ସରକାର କିପରି କମ୍ ଚାଷୀ ଧାନ ବିକ୍ରି କରିବେ ସେ ବ୍ୟବସ୍ଥା କରୁଛନ୍ତୀ। ସରକାରଙ୍କ ଏପରି ଚାଷୀ ବିରୋଧୀ ଆଭିମୁଖ୍ୟକୁ ବିଜେଡି ଦୃଢ଼ ବିରୋଧ କରିବ । ବିଧାନସଭାରେ ଏ ପ୍ରସଙ୍ଗ ଉଠାଇ ସରକାରଙ୍କୁ ଜବାବ ମାଗିବ ଦଳ।
ବିଧାୟକ ଅରୁଣ ସାହୁ କହିଛନ୍ତି- ପଞ୍ଜିକରଣରେ ଗୁଡ଼ାଏ ଲୋକଙ୍କୁ ବାଦ ଦିଆଯାଇଛି। ଯେଉଁଥିପାଇଁ ବରଗଡ଼ରେ ଚାଷୀ ରାଜରାସ୍ତାକୁ ଆସିଛନ୍ତି। ଗୋଦାମ ଖାଲି ନଥିବାରୁ ଚାଷୀ ଙ୍କୁ ବାଦ୍ ଦେଇଛନ୍ତି। ସରକାର ହିସାବ ଦିଅନ୍ତୁ ଧାନ କିଣି କେତେ ଅଧିକ ଅର୍ଥ ଦେଇଛନ୍ତି କେତେ ଚାଷୀ ଉପକୃତ ହୋଇଛନ୍ତି ଓ ବାଦ୍ ପଡ଼ିଛନ୍ତି। ସେହିପରି ଧାନ ପ୍ରସଙ୍ଗରେ ସରକାରଙ୍କୁ କାଠଗଡ଼ାକୁ ଟାଣିଛନ୍ତି କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡ଼ାମ। ସେ କହିଛନ୍ତି- ନୂଆ ସରକାର ଆସୁ ଆସୁ କହିଥିଲେ କଟନି ଛଟନି ହେବ ନାହିଁ କିନ୍ତୁ ଗତ ରବି ହେଉ ଖରିଫ ହେଉ ସବୁଠି କଟନିଛଟନି ଚାଲିଛି।
