ମହିଳାଙ୍କୁ ଅସମ୍ମାନ କରୁଛି ବିଜେପି, ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହେଲା ବିଜେଡି

ଭୁବନେଶ୍ବର: ମହିଳାଙ୍କୁ ଅସମ୍ମାନ କରୁଛି ବିଜେପି। ଧମକ ଦେଇ ଭୟଭୀତ କରୁଛି । ଏନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହୋଇଛି ବିଜେଡି । ବିଜେପି ନେତା, କର୍ମୀ ଓ ପ୍ରାର୍ଥୀମାନେ ମହିଳାଙ୍କ ଚରିତ୍ର ସଂହାର କରୁଛନ୍ତି । ଆଶା ଓ ଅଙ୍ଗନବାଡ଼ି କର୍ମୀ ଓ ମିଶନ ଶକ୍ତି ମହିଳାଙ୍କ ପରି ତୃଣମୂଳ ସ୍ତରରେ କାମ କରୁଥିବା ମହିଳାଙ୍କ ଚରିତ୍ର ସଂହାର ସହ ଧମକାଉଛନ୍ତି ବିଜେପି ନେତା। ସରକାରୀ ଅଧିକାରୀଙ୍କୁ ବଦଳି କରିବା ଦେବାକୁ ଧମକ ଦିଆଯାଉଛି। କେନ୍ଦ୍ରରେ ବିଜେପି ସରକାର ଥିବାରୁ ନିର୍ବାଚନ କମିଶନଙ୍କୁ କହି  ବଦଳି କରିଦେବାକୁ ବିଜେପି ନେତା ଧମକ  ଦେଉଛନ୍ତି। ନିର୍ବାଚନରେ ବିଜେପି ପାଇଁ କାମ କରିବାକୁ ଧମକ ଦିଆଯାଉଛି। ରାଜ୍ଯ ମୁଖ୍ଯ ନିର୍ବାଚନ ଅଧିକାରୀ କାର୍ଯ୍ଯାନୁଷ୍ଠାନ ଗ୍ରହଣ ପାଇଁ ଦାବି କରିଛି ବିଜେଡି। ଔଷଧ ବିକଳରେ ତାଟିଆ କାମୁଡ଼ିଲେ କିଛି ହେବ ନାହିଁ । ମହିଳାମାନେ ସମସ୍ତଙ୍କ ପାଇଁ କାମ କରୁଛନ୍ତି। ତାଙ୍କୁ ସମ୍ମାନ ଦିଅନ୍ତୁ। ଗୁଣ୍ଡାଗର୍ଦ୍ଦିକୁ ମହିଳା ବରଦାସ୍ତ କରିବେନି। ନିର୍ବାଚନରେ ଉଚିତ୍ ଜବାବ ଦେବେ ବୋଲି ବିଜେଡି କହିଛି।