ଭୁବନେଶ୍ବର : ଆଜି ସନ୍ଧ୍ୟାରେ ଶଙ୍ଖ ଭବନରେ ବସିବ ବିଜେଡି ବୈଠକ । ବିଜୁ ପଟ୍ଟନାୟକଙ୍କ ତିରୋଧାନ ଦିବସ ପାଳନ ପ୍ରସ୍ତୁତି ନେଇ ବୈଠକ ବସିବ । ପ୍ରତି ବର୍ଷ ପରି ଚଳିତ ବର୍ଷ ମଧ୍ୟ ଏପ୍ରିଲ ୧୭ରେ ବିଜୁ ତିରୋଧାନ ଦିବସ ପାଳନ ହେବ । ସକାଳେ ଭୁବନେଶ୍ୱର ବିନ୍ଦୁ ସାଗରରେ ଦଳୀୟ ନେତା ଓ କର୍ମୀ ତିଳତର୍ପଣ କରିବେ । ଏହା ପରେ ସେଠାରେ ଏକ ସ୍ମୃତିସଭାର ଆୟୋଜନ କରାଯିବ । ଶେଷରେ ଶଙ୍ଖ ଭବନରେ ବି ବିଜୁ ସ୍ମୃତି ସଭା ବସିବ । ବିଜୁ ତିରୋଧାନ ଦିବସକୁ ପ୍ରତି ଜିଲ୍ଲାରେ ପାଳନ କରିବାକୁ ବିଜୁ ଜନତା ଦଳ ନେତା ଓ କର୍ମୀଙ୍କୁ ନିର୍ଦ୍ଦେଶ ଦିଆଯାଇଛି ।
