ପାଠକ ବାପ-ପୁଅ ଗିରଫ ପରେ ଧମକ ଦେଉଛନ୍ତି ପ୍ରଦୀପ, ପୋଲିସରେ ଫେରାଦ ହେଲା ବିଜେପି

ବ୍ରହ୍ମପୁର: ପ୍ରଦୀପ ପାଣିଗ୍ରାହୀଙ୍କ ବିରୋଧରେ ବ୍ରହ୍ମପୁର ଏସପିଙ୍କ ନିକଟରେ ଫେରାଦ ହେଲା ବିଜେପି । ଗଞ୍ଜାମ ଜିଲ୍ଲା ବିଜେପି ସଭାପତିଙ୍କ ନେତୃତ୍ୱରେ ଏସପିଙ୍କୁ ବିଜେପିର ଏକ ପ୍ରତିନିଧି ଦଳ ଭେଟିଛନ୍ତି । ଭାବୀ ଜ୍ୱାଇଁ ଆକାଶଙ୍କ ସହ ମିଶି ପ୍ରଦୀପ ପାଣିଗ୍ରାହୀ ଶହ ଶହ ଯୁବକଙ୍କୁ ଠକିଥିବା ଅଭିଯୋଗ କରିଛି ବିଜେପି । ଚାକିରି କରାଇଦେବା ନାଁରେ ସ୍ଥାନୀୟ ଯୁବକଙ୍କୁ ଠକିଛନ୍ତି ପ୍ରଦୀପ ପାଣିଗ୍ରାହୀ । ୬୮ ଜଣ ଯୁବକଙ୍କୁ ନକଲି ନିଯୁକ୍ତି ପତ୍ର ଦେଇ ଆକାଶଙ୍କ ସହ ମିଶି ପ୍ରଦୀପ ଠକିଥିବା ଅଭିଯୋଗ ହୋଇଛି ।

ପ୍ରଦୀପଙ୍କ ଭାଇ ଦିଲୀପ ପାଣିଗ୍ରାହୀଙ୍କ ବିରୋଧରେ ମଧ୍ୟ ଅଭିଯୋଗ ହୋଇଛି । ମଦ ମାଫିଆ ସୂର୍ଯ୍ୟ ସାହୁଙ୍କ ସହ ସେମାନଙ୍କର ସମ୍ପର୍କ ରହିଥିବା ଅଭିଯୋଗ କରିଛି ବିଜେପି । ପାଠକ ବାପା-ପୁଅଙ୍କ ଗିରଫ ପରେ ପାଟି ନଖୋଲିବାକୁ ପ୍ରଦୀପ ପ୍ରତାରଣାର ଶିକାର ଯୁବକମାନଙ୍କୁ ଧମକ ଦେଉଛନ୍ତି । ପ୍ରଦୀପ ପାଣିଗ୍ରାହୀ ଓ ତାଙ୍କ ସହଯୋଗୀ ଧମକ ଦେଉଥିବା ଅଭିଯୋଗ ଅଭିଯୋଗ କରିଛି ବିଜେପି ।