ନନ୍ଦିଘୋଷ ବ୍ୟୁରୋ: ଉତ୍ତରପ୍ରଦେଶର ସହାରନପୁରରୁ ଆସିଛି ଏକ ହୃଦୟ ବିଦାରକ ଖବର । ଜଣେ ବିଜେପି ନେତା ନିଜ ସ୍ତ୍ରୀ ଏବଂ ପିଲାଙ୍କୁ ଗୁଳି କରି ଦେଇଥିବା ଖବର ସାମ୍ନାକୁ ଆସିଛି । ତେବେ ଏହି ଗୁଳିକାଣ୍ଡରେ ଦୁଇ ପୁଅଙ୍କ ମୃତ୍ୟୁ ହୋଇଥିବାବେଳେ ଜଣେ ଛୁଆ ଏବଂ ସ୍ତ୍ରୀ ଏବେ ଗୁରୁତର ଆହତ ଅଛନ୍ତି । ସେମାନେ ମେଡିକାଲରେ ଚିକିତ୍ସିତ ହେଉଥିବାବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ସେପଟେ ଏହି ଘଟଣାରକୁ ନେଇ ରାଜନୈତିକ ମହଲରେ ମଧ୍ୟ ନିନ୍ଦା କରାଯାଉଛି ।
ତେବେ ଅଭିଯୁକ୍ତ ବିଜେପି ନେତା ହେଉଛନ୍ତି ଯୋଗେଶ ରୋହିଲା । ପୋଲିସ ତାଙ୍କୁ ଗିରଫ କରିଛି । କୁହାଯାଉଛି ଯେ ସେ ବହୁତ ଦିନ ଧରି ମାନସିକ ରୋଗୀ ଥିଲେ। ତଥାପି, ଏପର୍ଯ୍ୟନ୍ତ ପୋଲିସ ପକ୍ଷରୁ ଏହି ଘଟଣାର କୌଣସି ଠୋସ୍ କାରଣ ଦିଆଯାଇ ନାହିଁ। ପୋଲିସର ସୂଚନା ଅନୁଯାୟୀ, ସହାରନପୁରର ଗଙ୍ଗୋହ ଅଞ୍ଚଳର ସାଙ୍ଗାଥେଡା ଗାଁରେ ରହୁଥିବା ଜଣେ ବିଜେପି ନେତାଙ୍କ ଏହି ଘଟଣାର ଖବର ସମଗ୍ର ଜିଲ୍ଲାରେ ହଇଚଇ ସୃଷ୍ଟି କରିଥିଲା। ସେପଟେ ଏହି ଗୁଳିକାଣ୍ଡ ହୋଇଥିଲା ତାହା ସ୍ପଷ୍ଠ ହୋଇନାହିଁ ।
